பக்கத்து வீட்டு பெண்ணை கொன்று அவரது இதயத்தை சமைத்து பரிமாறிய சம்பவம் கிடு நடுக்கம் !

பக்கத்து வீட்டு பெண்ணை கொன்று அவரது இதயத்தை சமைத்து பரிமாறிய சம்பவம் அமெரிக்காவையே கிடு நடுங்க வைத்துள்ளது. அமெரிக்காவில் ஒக்லஹோமா மாகானத்தை சேர்ந்த நபர் ஒருவர் தனது பக்கத்து வீட்டு பெண்ணை கொன்று, அவரது இதயத்தை சமைத்து. உருளைக் கிழங்குடன் சேர்ந்து தனது குடும்பத்தினருக்கு உணவாக வழங்கியுள்ளார். இதுமட்டுமல்லாமல், பின்னர் தனது குடும்பத்தினரையும் கத்தியால் குத்தியுள்ளார்.

இதுகுறித்து நீதிமன்றத்திடம் விசாரணை அதிகாரி சமர்ப்பித்துள்ள அறிக்கையில், லாரன்ஸ் பால் ஆண்டர்சன் என்பவர் தனது பக்கத்து வீட்டு பெண்ணான ஆண்ட்ரியா லின் என்பவரை அவரது வீட்டில் வைத்தே கொலை செய்துள்ளதாக தெரிவித்துள்ளார்.

ஓக்லஹோமா நகரத்தில் இருந்து 40 மைல் தொலைவில் இருக்கும் சிக்கஷா என்ற இடத்தில்தான் இந்த சம்பவம் நடந்துள்ளது. ஆண்ட்ரியாவை கொலை செய்தது மட்டுமல்லாமல் அவரது இதயத்தை வெட்டி எடுத்து தனது உறவினர் வீட்டுக்கு எடுத்து வந்து அதை சமைத்து உருளைக்கிழங்குடன் பரிமாறியுள்ளார்.

இதுமட்டுமல்லாமல், ஆண்டர்சன் தனது மாமன், மாமனின் பேத்தியான 4 வயது சிறுமி, அத்தை ஆகியோரையும் கத்தியால் குத்தியுள்ளார். அதிஷ்டவசமாக மூவரும் உயிர் பிழைத்துவிட்டனர். இதைத்தொடர்ந்து ஆண்டர்சனை போலீசார் கைது செய்துள்ளனர். அமெரிக்காவில் மட்டுமே இப்படியான சைக்கோக்களை பார்க்க முடியும்.