ஜெனிவாவில் வாக்கெடுப்பு; கொழும்பில் இடம்பெற்ற ரகசிய முக்கிய சந்திப்பு!

ஜெனிவாவில் உள்ள ஐ.நா மனித உரிமைகள் பேரவையில் இலங்கைக்கு எதிராக வாக்களிக்க ஒரு நாளே உள்ள நிலையில் இலங்கைக்கான இந்திய உயர் ஸ்தானிகர் கோபால் பாக்லே வெளியுறவு அமைச்சர் தினேஷ் குணவர்தனவுடன் பேச்சுவார்த்தை நடத்தியுள்ளார்.

வெளியுறவு அமைச்சக தகவலின்படி, கோபால் பாக்லே வெளியுறவு அமைச்சரை நேற்று (வெள்ளிக்கிழமை) வெளியுறவு அமைச்சகத்தில் சந்தித்தார்.

கொவிட்-19 தொற்றுநோயைக் கட்டுப்படுத்துவது மற்றும் நீண்டகாலமாக இருதரப்பு உறவுகளுக்கு சிறப்பு கவனம் செலுத்தி இரு நாடுகளின் மக்களுக்கும் இந்திய தடுப்பூசி வழங்குவது குறித்து நீண்ட கலந்துரையாடல் நடத்தப்பட்டதாக வெளியுறவு அமைச்சகம் தெரிவித்துள்ளது.

ஜெனீவாவில் நடந்த ஐக்கிய நாடுகளின் மனித உரிமைகள் பேரவைக் கூட்டத்தின்போது இலங்கையின் பிராந்திய இறையாண்மையைப் பாதுகாப்பதாக இந்தியா உறுதியளித்துள்ளதாக வெளியுறவு அமைச்சுசமீபத்தில் கூறியிருந்தது.

வெளியுறவு செயலாளர் அட்மிரல் பேராசிரியர் ஜெயநாத் கொலம்பேஜ், இலங்கையின் பிராந்திய இறையாண்மையை மிக நெருங்கிய அண்டை நாடான இந்தியா பராமரிப்பதாக உறுதிபூண்டுள்ளது என்றார்.