புத்தாண்டிற்குப் பின்னர் இலங்கை மக்களுக்கு காத்திருக்கும் அதிர்ச்சி தரும் அறிவிப்பு!

ஜே.வி.பியின் தலைவரான நாடாளுமன்ற உறுப்பினர் அநுரகுமார திஸாநாயக்க, ஈஸ்டர் தாக்குதல் குறித்து பல விடயங்களை அம்பலப்படுத்தப் போவதாக இன்று சனிக்கிழமை பத்திரிகை ஒன்று செய்தி வெளியிட்டுள்ளமை பரபரப்பை ஏற்படுத்தியுள்ளது.

இது தொடர்பில் வெளியான குறித்த பத்திரிகையின் செய்தியில் மேலும் குறிப்பிடப்பட்டுள்ளதாவது, புத்தாண்டிற்குப் பின்னர் ஆரம்பமாகவுள்ள நாடாளுமன்ற அமர்வில், நாட்டு மக்களை அதிர்ச்சிக்கு உள்ளாக்கும் வகையிலான தகவல் ஒன்று வெளியிடப்படவுள்ளது.

இதன்படி தாஜ் ஹோட்டலில் தாக்குதல் நடத்த வந்த நபர், பின்னர் தாக்குதல் இடத்தை மாற்றியமை, ஈஸ்டர் தாக்குதலுக்கான பொறுப்புக் கூறலை ஐ.எஸ் தீவிரவாத அமைப்பே ஏற்க வேண்டும் என்பதனை வலியுறுத்தி மேற்கொள்ளப்பட்ட தொலைபேசி அழைப்புக்கள் உள்ளிட்ட பல விடயங்களை அவர் சபையில் போட்டுடைக்க உள்ளார், என குறித்த குறித்த செய்தியில் மேலும் குறிப்பிடப்பட்டுள்ளது.

Contact Us