டவுரிக்காக அண்ணியை திருமணம் செய்த கொழுந்தன்..! மதுரையில் பகீர் சம்பவம்

சுயநலத்துக்காக அண்ணியை திருமணம் செய்து அவரது வாழ்க்கையை சீரழித்த கொழுந்தனை போலீசார் கைது செய்துள்ள சம்பவத்தின் பின்னணி பேரதிர்ச்சியை கொடுத்துள்ளது..

 

மதுரை மாவட்டம் கே. பாறைப்பட்டி பகுதியைச் சேர்ந்தவர் தலையாரி பாண்டி. இவருக்கு இரண்டு மகன்கள் உள்ளனர். இந்த நிலையில் 2019 ஆம் ஆண்டு மூத்த மகன் பிரபாகரனுக்கும் காளவாசல் பகுதியைச் சேர்ந்த மாளவிகா என்ற பெண்ணுக்கும் இரு வீட்டார் சம்மதத்துடன் திருமணம் நடந்தது. திருமணத்தின்போது பெண் வீட்டார் மணமகனுக்கு 120 நகை மற்றும் ரூ. 10 லட்சம் ரொக்கமும் வரதட்சணையாக கொடுத்துள்ளனர். திருமண வாழ்க்கை 10 மாதங்களாக சென்றுகொண்டிருந்த நிலையில் பிரபாகரனுக்கு உடல்நிலை பாதிக்கப்பட்டுள்ளது.

மருத்துவமனையில் பரிசோதித்ததில் பிரபாகரனுக்கு மஞ்சள் காமாலை இருப்பது தெரிய வந்தது. இந்நிலையில் தொடர் சிகிச்சை பெற்று வந்த பிரபாகரன் சிகிச்சை பலனின்றி உயிரிழந்துவிட்டார். இதையடுத்து, 10 மாதங்களிலேயே கணவனை இழந்த பெண் தனது வீட்டுக்கு வந்துவிட்டார். மாளவிகா வந்த வேகத்தில் திருமணத்தின்போது கொடுத்த 120 சவரன் நகை மற்றும் ரொக்கத்தை பெண்ணின் வீட்டார் வாங்கிக்கொண்டனர்.

சில நாட்கள் கழித்து மாளவிகா அப்பகுதியில் உள்ள டைப்பிங் சென்டருக்கு சென்று வந்துள்ளார். அப்போது பிரபாகரனின் தம்பியான பிரகாஷ் அண்ணி முறையான மாளவிகாவை சந்தித்து காதல் தொல்லை கொடுத்துள்ளார். மேலும், ” என் அண்ணனை விட நான் உங்களை நன்றாக பார்த்துக்கொள்வேன், இருவரும் சேர்ந்து வாழலாம்” என்று ஆசை வார்த்தை கூறியுள்ளார். பிரகாஷின் ஆசை வலையில் விழுந்த மாளவிகாவும் கொழுந்தனை திருமணம் செய்துகொள்ளலாம் என்று முடிவு செய்துள்ளார். ஆனால், இதற்கு மாளவிகாவின் பெற்றோர் எதிர்ப்பு தெரிவித்துள்ளனர்.

இந்நிலையில், சில மாதங்களுக்கு முன்பு வீட்டை விட்டு வெளியேறி கொழுந்தனை கோவிலில் வைத்து தாலி கட்டிக்கொண்டார் மாளவிகா. சில நாட்கள் கணவன், மனைவியாக வாழ்ந்து வந்த நிலையில், மாளவிகா வீட்டில் ஏற்கனவே திரும்பி வாங்கிக்கொண்ட வரதட்சணையை இப்போது கொடுங்கள் என பிரகாஷின் குடும்பம் கேட்டுள்ளது. ஆரம்பத்தில் கொடுக்க மறுத்த மாளவிகா வீட்டார், மகளை தொந்தரவு செய்வார்கள் என பயந்து 80 சவரன் நகை, 5 லட்சம் ரூபாய் ரொக்கத்தை வழங்கியுள்ளனர். ஆனால், முன்பு கொடுத்தவாறே மொத்தத்தையும் கொடுங்கள் என கூறி பிரகாஷின் வீட்டார் மறுத்துவிட்டனர்.

இதனிடையே மாளவிகாவை தினமும் வரதட்சணை கேட்டு பிரகாஷும், தாய், தந்தை தலையாரி பாண்டியும் கொடுமை படுத்தி வந்துள்ளனர். இந்நிலையில் மாளவிகா தனது அறையில் தூக்கிட்டு தற்கொலை செய்துகொண்டார். இதுகுறித்து மாளவிகாவின் வீட்டார் கொடுத்த புகாரின் பேரில் தற்கொலைக்கு தூண்டியதாக புது கணவன் பிரகாஷ், தந்தை தலையாரி பாண்டி இருவரையும் கைது செய்தனர். தலைமறைவாக உள்ள மாமியாரை தேடி வருகின்றனர்.

Contact Us