இரவில் கிசுகிசு பேச்சு… லைட்டை போட்டு எழுந்த கணவனுக்கு காத்திருந்த அதிர்ச்சி..!

தருமபுரி மாவட்டம் கிருஷ்ணகிரியைச் சேர்ந்தவர் இலக்கியா. இவர் மேடை ஆட்டக்காரர்களுக்கு மேக்கப் போடும் தொழிலை செய்து வருகிறார். இந்நிலையில் இலக்கியா ஒருமுறை சேலம் மாவட்டம் எடப்பாடி பகுதிக்கு தொழில் நிமித்தமாக வந்தபோது அப்பகுதியைச் சேர்ந்த பாலமுருகன் என்பவருக்கு அறிமுகமாகியுள்ளார்.

இருவரும் வெவ்வேறு சமூகத்தைச் சேர்ந்தவர்கள் என்றாலும் காலப்போக்கில் பழகி காதலிக்க தொடங்கியுள்ளனர். பின்னர் இருவரும் திருமணமும் செய்துள்ளனர். இந்த தம்பதிக்கு ஒன்றரை வயதில் பெண் குழந்தை ஒன்றும் உள்ளது. இந்நிலையில் இருவருக்குள்ளும் அடிக்கடி கருத்து வேறுபாடு ஏற்பட்டு சண்டையிட்டு வந்துள்ளனர்.

மேலும், இருவரும் வெவ்வேறு காவல் நிலையங்களில் மாறி மாறி புகார் கொடுத்ததாகவும் கூறப்படுகிறது. இந்த சூழலில் கடந்த சில மாதங்களுக்கு முன்பு கை குழந்தையுடன் பாலமுருகன் வீட்டுக்கு வந்த இலக்கியா ‘இனிமேல் ஒழுங்காக இருப்பேன் என்றும் என் மீது கொடுத்துள்ள புகாரை வாப்பஸ் வாங்குமாறும்’ கூறி பாலமுருகனுடன் வசிக்க தொண்டங்கினார்.

இந்நிலையில், சில நாட்களுக்கு முன்பு இலக்கியா இரவில் நீண்ட நேரம் செல்போனில் பேசியுள்ளார். அப்போது பாலமுருகன் ‘ யாருடன் பேசிக்கொண்டிருக்கிறாய் என்று கேட்டுள்ளார். அப்போது ஏற்பட்ட வாக்குவாதத்தில், நான் அப்படிதான் பேசுவேன் என்று கூறியதுடன் சமையலறையில் இருந்த கத்தியால் பாலமுருகனின் நெஞ்சில் சரமாரியாக குத்தியுள்ளார். அப்போது தடுக்க வந்த மாமியாரின் கையையும் கடித்துள்ளார். பின்னர் ‘ இந்த முறை நீ தப்பித்துவிட்டாய் ‘ என கூறிவிட்டு அங்கிருந்து தப்பியுள்ளார்.

இதுகுறித்து உள்ளூர் காவல் நிலையத்தில் ரத்தம் வடிந்த நிலையில் பாலமுருகன் புகார் கொடுத்துள்ளார். பின்னர் அவரை அரசு மருத்துவமனையில் சிகிச்சைக்காக அனுமதித்துள்ள போலீசார் இலக்கியாவை கைது செய்து சிறையில் அடைத்தனர். மனம் மாறி வீட்டுக்கு வந்த மனைவிக்கு வசிக்க இடம் கொடுத்த கணவனை கத்தியால் குத்தி கொலை முயற்சி செய்ததுடன், தன் மீதான வழக்கை வாப்பஸ் வாங்கக்கோரி கணவனுக்கு மிரட்டல் விடுத்த பெண்ணின் செயல் அப்பகுதியில் பெரும் அதிர்ச்சியை ஏற்படுத்தியுள்ளது.

Contact Us