சென்னையில் ரூ.1 கோடி மதிப்புள்ள சொத்தை ஆள்மாறாட்டம் செய்து அபகரிப்பு: 6 பேர் கைது..!

புழுதிவாக்கம் பகுதியில் உள்ள ரூ.1 கோடி மதிப்புள்ள சொத்தை, ஆள்மாறட்டம் செய்து அபகரித்த 6 நபர்கள் கைது.

சென்னை புழுதிவாக்கம் பகுதியைச் சேர்ந்தவர் நிர்மலா சுந்தரம். இவருக்கு சொந்தமான 6160 சதுரடி மனைகளை ஆள்மாறாட்டம் செய்து அபகரித்தவர்கள் மீது நடவடிக்கை எடுக்குமாறு கொடுத்த புகாரின் பேரில் மத்திய குற்றப்பிரிவில் வழக்கு பதிவு செய்து விசாரணை மேற்கொள்ளப்பட்டது.

மத்திய குற்றப்பிரிவு காவல் குழுவினரின் விசாரணையில், திருமதி நிர்மலா சுந்தரம் பெயரில் ஆள்மாறாட்டம் செய்து பாஸ்கரன், அவர் நண்பர் மகேஷ், மற்றும் நந்தினி, பிரபு மற்றும் அவரது நண்பர் சாலமன் மற்றும் சாலமனின் தாயார் அன்னபுஷ்பம் ஆகியோர் கூட்டாக சேர்ந்து புகார்தாரர் சொத்தை அபகரித்துள்ளது தெரிய வந்தது.

இந்நிலையில், சென்னை கமிஷனர் உத்தரவின் பேரிலும் , கூடுதல் காவல் ஆணையாளர், மத்திய குற்றப்பிரிவு மற்றும் காவல் துணை ஆணையாளர் உத்தரவுப்படியும், காவல் உதவி ஆணையாளர் மற்றும் தனலட்சுமி காவல் ஆய்வாளர் தலைமையில் காவலர் சகிதம் வழக்கின் மோசடியில் ஈடுபட்டதாக அன்னபுஷ்பம் (66), பாஸ்கரன் (44), சாலமன் (36), மகேஷ் (46), பிரபு (37), நந்தினி (46) ஆகிய 6 நபர்களை கைது செய்தனர். தொடந்து அவர்கள் மீது வழக்கு பதிவாகி நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டனர்.

Contact Us