பாம்பை கடிக்கவைத்து மனைவி கொலை: கணவன் குற்றவாளி எனகேரள நீதிமன்றம் அதிரடி..!

கேரளா மாநிலத்தில் வரதட்சணைக்காக மனைவியை பாம்பை வைத்து கடிக்க செய்து கொன்ற கணவனை குற்றவாளி என நீதிமன்றம் தீர்ப்பளித்துள்ளது.

கேரளா மாநிலம் கொல்லத்தைச் சேர்ந்தவர் உத்ரா. இவருக்கும் பத்தனம்திட்டா மாவட்டத்தைச் சேர்ந்த சூரஜ் என்பவருக்கும் கடந்த 2018 இல் திருமணம் நடந்தது. தற்போது இவர்களுக்கு ஒரு வயதில் குழந்தையும் உள்ளது. உத்ராவின் திருமணத்தின்போது அவரது பெற்றோர் கார், நகைகள் என போதுமென்ற அளவுக்கு வரதட்சணை கொடுத்துள்ளனர். எனினும் சூரஜ் மேலும் வரதட்சணை வேண்டுமெனக்கூறி உத்ராவை சித்ரவதை செய்து வந்துள்ளார்.

ஒரு கட்டத்தில் உத்தரவை தீர்த்துக்கட்ட நினைத்த அவர், தடையுமின்றி எப்படி கொலை செய்யவது என்பதை குறித்து யூ டியூபில் தேடியுள்ளார். இந்நிலையில் சூரஜுக்கு சுரேஷ் என்ற பாம்பாட்டியுடன் தொடர்பு ஏற்பட்டுள்ளது.

பாம்பாட்டி மூலமாக கரு மூர்க்கன் என்ற கொடிய விஷமுள்ள பாம்பை ரூ. 10 ஆயிரத்துக்கு விலைக்கு வாங்கியுள்ளார் சூரஜ். அதனையடுத்து கடந்த மார்ச் 6ம் தேதி அறையில் படுத்திருந்த உத்ராவிடம் பாம்பை அனுப்பி கடிக்க செய்துள்ளார். இதனால் கதறி துடித்த உத்ராவை அவரது பெற்றோர் தனியார் மருத்துவமனை ஒன்றில் சிகிச்சைக்கு அனுமதித்தனர். சிகிச்சை பெற்று வந்த உத்ரா தனது அம்மா வீட்டில் தங்கி வந்துள்ளார். உடல்நலம் தேறாததால் உத்தரவை அவரது பெற்றோர் உடனிருந்து பார்த்து வந்துள்ளனர். இந்நிலையில் காலையில் படுக்கையில் இருந்த உத்ராவிடம் இருந்து எந்த அசைவும் இல்லாததால் மீண்டும் அவரை ஆஸ்பத்திரிக்கு கொண்டு சென்றனர்.

சிகிச்சை பெற்று வந்த உத்ரா தனது அம்மா வீட்டில் தங்கி வந்துள்ளார். உடல்நலம் தேறாததால் உத்தரவை அவரது பெற்றோர் உடனிருந்து பார்த்து வந்துள்ளனர். இந்நிலையில் காலையில் படுக்கையில் இருந்த உத்ராவிடம் இருந்து எந்த அசைவும் இல்லாததால் மீண்டும் அவரை ஆஸ்பத்திரிக்கு கொண்டு சென்றனர். அங்கு அவர் உயிரிழந்துவிட்டதாக மருத்துவர்கள் தெரிவித்துள்ளனர்.

இதுகுறித்து உத்ராவின் பெற்றோர் காவல் நிலையத்தில் புகார் அளித்ததை தொடர்ந்து, சூரஜிடம் போலீசார் விசாரணை நடத்தினர். அப்போது, ஏற்கனவே மனைவியை பாம்பு கடிக்க செய்து கொல்ல முயற்சித்ததாகவும், ஆனால் எப்படியோ உத்ரா உயிர் பிழைத்துக்கொண்டதாகவும் கூறிய சூரஜ், மீண்டும் அதே பாம்பினை உத்ரா மீது தூக்கிப்போட்டு கடிக்க வைத்து கொலை செய்ததாக ஒப்புக்கொண்டார்.

இதையடுத்து சூரஜையும், கொலைக்கு உடந்தையாக இருந்த பாம்பாட்டி சுரேஷையும் போலீசார் கைது செய்து சிறையில் அடைத்தனர். இதற்கிடையில் கடந்த செப்டம்பரில் உத்ராவை பாம்பு எப்படி கடித்திருக்கும் என்பதை ஆராய ‘டம்மி’ பரிசோதனையையும் போலீசார் நடத்தினர். அதில், சூரஜ் தரப்பினர் பலமுறை பாம்பை ஆக்ரோஷப்படுத்தி உத்ராவை கடிக்க வைத்தது அம்பலமானது.

இந்த நிலையில் வழக்கை விசாரித்து வந்த கேரளா சிறப்பு நீதிமன்றம் உத்ராவைக் கொல்ல நாகப்பாம்பைப் பயன்படுத்திய கணவர் சூரஜ் குற்றவாளி என்று உறுதி செய்துள்ளது. மனைவியின் சொத்துக்களை அபகரிக்க மிக குரூரமான முறையில் கொலை செய்த குற்றத்திற்காக சூரஜ்க்கு கடுமையான தண்டனை விதிக்கப்படும் என்று எதிர்பார்க்கப்படுகிறது.

Contact Us