கணவனுக்கு மயக்க பால், டிரைவருடன் உறவு… எப்டிலாம் பிளான் பண்றாங்க..!

சேலம் அருகே தகாத உறவுக்கு இடைஞ்சலாக இருந்த கணவனை கொலை செய்த மனைவியை போலீசார் கைது செய்துள்ளனர்.

சேலம் மாவட்டம் சங்ககிரியை அடுத்த புள்ளாகவுண்டம்பட்டியைச் சேர்ந்தவர் தாயானந்த். தொழிலதிபரான தயாநனந்த் கடந்த நான்கு ஆண்டுகளுக்கு முன்பு சேலத்தைச் சேர்ந்த அன்னப்பிரியா என்பவரை திருமணம் செய்துள்ளார். இந்த தம்பதிக்கு இரண்டு வயதில் ஆண் குழந்தை ஒன்று உள்ளது. இந்நிலையில், கடந்த 11ஆம் தேதி உறவினருக்கு போன் செய்த அன்னப்பிரியா தயானந்த்திற்கு திடீரென வலிப்பு ஏற்பட்டு கீழே விழுந்து தலையில் காயம் ஏற்பட்டு மயங்கிவிட்டதாக கூறியுள்ளார்.

அதை கேட்டு அதிர்ச்சியடைந்த உறவினர்கள் வீட்டுக்கு வந்து பார்த்ததில், தயாநனந்த் உயிரிழந்துவிட்டது தெரிய வந்தது. தகவல் அறிந்து வந்த போலீசார் சடலத்தை மாவட்ட அரசு மருத்துவமனைக்கு அனுப்பி வைத்தனர். இதுதொடர்பாக வழக்கு பதிவு செய்த போலீசார் உறவினர்கள் மற்றும் அக்கம்பக்கத்தில் விசாரணை நடத்தினர். விசாரணையில், அன்னப்பிரியா மேல் போலீசாருக்கு சந்தேகம் ஏற்பட்டுள்ளது. தொடர்ந்து அவரிடம் விசாரணை நடத்தியதில் தகாத உறவால் கணவனை கொலை செய்த விவகாரம் அம்பலமானது.

அன்னப்பிரியா வாக்குமூலம்

சொந்தமாக நிதி நிறுவனம் நடத்தி வந்த தாயானந்த் வாடகைக்கு லோடு வாகனங்களையும் நடத்தி வந்துள்ளார். இந்நிலையில், தனது கார் டிரைவர் முருகனுடன் அன்னப்பிரியாவுக்கு பழக்கம் ஏற்பட்டுள்ளது. நாளடைவில் அது தகாத உறவாக மாறவே இருவரும் உல்லாசமாக இருந்து வந்துள்ளனர். இந்த விவகாரம் தாயாந்த்திற்கு தெரிந்ததும் மனைவியை கண்டித்ததுடன், முருகனை வேலையை விட்டு நீக்கியுள்ளார்.

தகாத உறவுக்கு கணவன் இடைஞ்சலாக இருந்ததாலும், கணவன் சம்பாதித்த பணத்தை அபகரிப்பதற்காகவும் அன்னப்பிரியா தயானந்த்தை கொலை செய்ய முடிவு செய்தார். அதன்படி, கடந்த 11ஆம் தேதி இரவு அலுவலகத்தை மூடிவிட்டு வீட்டுக்கு வந்த தயானந்திற்கு அன்னப்பிரியா மயக்கம் மருந்து கலந்த பாலை கொடுத்துள்ளார். அதை குடித்துவிட்டு தாயானந்த் மயங்கியதும், முருகன் அங்கு வந்துள்ளார். அப்போது இருவரும் சேர்ந்து தயானந்தின் தலையில் கட்டையால் அடித்து கொலை செய்ததாக தெரிய வந்துள்ளது. இந்நிலையில், இருவரையும் கைது செய்த போலீசார் சங்ககிரி நீதிமன்றத்தில் ஆஜர்படுத்தி சிறையில் அடைத்தனர்.

Contact Us