மோடிக்கு சசி மீது ஏன் பயம் ? வாயை திறந்தால் வருமான வரியை அனுப்புகிறாரே ஏன் தெரியுமா ?

சிறையில் இருந்து வந்த சசிகலா தீவிர அரசியலில் ஈடுபட உள்ளதாக முன்னர் அறிவித்தார். பின்னர் அதே மாதம் தான் அரசியலில் இருந்து விலகுவதாக அறிவித்தார். ஆனால் தேர்தலில் அதிமுக படு தோல்வி அடைந்தது. இதனை அடுத்து தான் நிச்சயம் அரசியல் செய்யவேண்டும் என்றும். அம்மா கட்டிக் காத்த அதிமுக இவ்வாறு மண் கவ்வக் கூடாது என்றும் அவர் மீண்டும் களம் இறங்க ஆரம்பிக்கவுள்ளாரம். சசிகலா அரசியல் ரீ எண்ட்ரி குறித்து பேசினாலோ, அதற்கான காரியங்களில் ஈடுபடத் தொடங்கினாலோ அவரை குறி வைத்து வருமான வரித்துறை ரெய்டு நடைபெற்று வருகிறது.

சிறையிலிருந்து அவர் விடுதலையாக இருந்தபோதே அவருக்காக தயாராகி வந்த போயஸ் கார்டன் வீடு உள்ளிட்ட 64 சொத்துக்கள் மீது வருமான வரித்துறை நோட்டீஸ் ஒட்டியது. ஓ.பன்னீர்செல்வத்தின் மனைவி இறப்புக்கு சென்று துக்கம் விசாரித்து ஓபிஎஸ்ஸுக்கு ஆறுதல் சொன்ன போது அதிமுகவில் இணைவதில் சசிகலா தீவிரம் காட்டுகிறார் என்ற பேச்சு எழுந்தது. அடுத்த சில நாள்களிலேயே பையனூர் பங்களா முடக்கப்பட்டது. தற்போது சசிகலா ஜெ நினைவிடம் சென்று அஞ்சலி செலுத்திவிட்டு சுற்றுப் பயணம் மேற்கொள்ளப் போகிறார் என்ற நிலையில் கொடநாடு மற்றும் கர்சன் எஸ்டேட்களின் வங்கிக் கணக்குகள் முடக்கம் செய்யப்பட்டுள்ளன.

டெல்லி மூலமே சசிகலாவுக்கு எதிரான நடவடிக்கைகள் வேகமெடுக்கின்றன. தனது சொத்துக்களை ஒவ்வொன்றாக முடக்கினாலும் சசிகலா தொடர்ந்து அரசியலில் இறங்குவதில் தீவிரம் காட்டுகிறாரே இது எதை காட்டுகிறது என சில அரசியல் விமர்சகர்களிடம் பேசினோம். “தனக்கு வரும் எதிர்ப்புகளை கண்டு பயம் கொள்ளாமல் தொடர்ந்து அதில் உறுதியாக இருந்தால் மட்டுமே அரசியலில் தடம் பதிக்க முடியும் என்பது ஜெயலலிதாவோடு இத்தனை ஆண்டுகாலம் இருந்த சசிகலாவுக்கு தெரியாதா” என்கிறார்கள். அத்துடன் மற்றொன்றையும் சொல்கிறார்கள். ஒரு சில சொத்துக்களை முடக்குகிறார்கள் என்று பின் வாங்கினால் மொத்த சொத்தையும் காப்பாற்ற முடியாமல் போய்விடும் என்பதையும் சசிகலா உணர்ந்துள்ளார் என்கிறார்கள்.

கொரோனா பரவல் இருந்துவந்ததால் சுற்றுப் பயண முடிவை சசிகலா தொடர்ந்து தள்ளிப்போட்டபடியே வந்தார். இந்நிலையில் தமிழகத்தில் கொரோனா பாதிப்பு குறைந்துள்ளதால், தடுப்பூசி முகாம்கள் அதிகளவில் நடத்தப்பட்டதால் இயல்பு நிலை திரும்பியுள்ளது. எனவே அதிமுகவின் பொன்விழா ஆண்டு தொடக்கத்தை குறிவைத்து சசிகலா களமிறங்கவுள்ளார். ஆனால் நேற்று தமிழக அரசு வெளியிட்ட அறிவிப்பு சசிகலாவுக்கு அதிருப்தியை ஏற்படுத்தியுள்ளது. கோயில்கள் திறப்பு, நர்சரி பள்ளிகள் திறப்பு என பல தளர்வுகளை அறிவித்தாலும் அரசியல் கூட்டங்கள், நிகழ்ச்சிகளுக்கு தடை தொடரும் என தமிழக அரசு அறிவித்துள்ளது. நவம்பர் 1 முதல் இதற்கு அனுமதி கிடைக்கும் என சசிகலா தரப்பு எதிர்பார்த்தது. அக்டோபர் 16ஆம் தேதி நினைவிடங்களில் அஞ்சலி, 17ஆம் தேதி எம்ஜிஆரின் தி.நகர் இல்லத்தில் அதிமுக கொடியேற்றுவது, ராமாவரம் தோட்டத்துக்கு செல்வது என சசிகலா திட்டமிட்டார்.

அதன்பின் அக்டோபர் 27ஆம் தேதி தினகரன் மகள் திருமண வரவேற்பில் கலந்துகொண்டுவிட்டு தனது சுற்றுப் பயணத்தை தொடங்கலாம் என சசிகலா திட்டமிட்டுள்ளார். நவம்பர் முதல் பல்வேறு ஊர்களுக்கும் சுற்றுப் பயணம் மேற்கொண்டு தொண்டர்களை சந்திக்க திட்டமிட்டிருந்த நிலையில் தமிழக அரசோ, அரசியல் நிகழ்ச்சிகளுக்கான தடை தொடரும் என்று அறிவித்துள்ளது. தமிழக அரசின் இந்த முடிவால் சசிகலாவின் சுற்றுப் பயணத்துக்கு சிக்கல் உருவாகும் என்பதால் எடப்பாடி பழனிசாமி தரப்பு இதை உள்ளூர ரசித்து வருகிறது. இருந்தபோதிலும் அரசியல் நிகழ்ச்சிகளுக்கு தடை என்பதால் அதிமுக பொன்விழா ஆண்டை பொதுக்கூட்டங்கள், மாநாடு என நடத்த முடியாத நிலை எடப்பாடி அண்ட் கோவுக்கு ஏற்பட்டுள்ளது.

Contact Us