“800 கோடி ரூபாய்க்கு ஏலம் போன பிக்காசோ படைப்புகள்..!”.. காதலியின் உருவப்படம் மட்டும் இத்தனை கோடியா..?

 

பெல்லாஜியோ கேலரி ஆஃப் ஃபைன் ஆர்ட்டில் இருக்கும் பிக்காசோ உணவகத்தில் பிக்காசோவின் ஒன்பது ஓவியங்களும், இரண்டு பீங்கான் தட்டுகளும் காட்சிப்படுத்தப்பட்டிருந்தது. அதன் உரிமையாளர் இந்த வருட ஆரம்பத்தில் அதனை விற்பனை செய்ய தீர்மானித்தார்.

எனவே சோதேபி என்ற புகழ்பெற்ற ஏல நிறுவனமானது, லாஸ் வேகாஸ் என்ற இடத்தில் ஏலம் நடத்தியிருக்கிறது. கடந்த சனிக்கிழமை அன்று நடந்த இந்த ஏலத்தில் கடந்த 1938ம் வருடம் வரையப்பட்ட பிகாசோவின் காதலி மேரி தெரேஸ் வால்டருடைய படம் 550 கோடி ரூபாய்க்கு விற்பனை செய்யப்பட்டதாக ஏலத்தை நடத்திய அதிகாரிகள் கூறியுள்ளனர்.

ஒட்டு மொத்தமாக ஒன்பது ஓவியங்களும், இரண்டு பீங்கான் தட்டுகளும் சேர்த்து அவரின் 11-கலைப்படைப்புகளும் 800 கோடி ரூபாய்க்கு ஏலம் போனது. பிக்காசோவின் 140 வது பிறந்தநாள் இன்று கொண்டாடப்படுகிறது என்பது குறிப்பிடத்தக்கது.

Contact Us