இதெல்லாம் செய்தால்…. விமான விபத்திலிருந்து தப்பலாம்…. விமானியின் முக்கிய அறிவுரை….!!

பொதுவாக, விமானம் விபத்துக்குள்ளானால் உயிர் பிழைக்க வாய்ப்பில்லை என்று தோன்றினாலும் 95 சதவீத விபத்துகளில் உயிர் பிழைப்பதற்கான வாய்ப்பு உள்ளது. ஆனால் அதற்கு சில விஷயங்களை கண்டிப்பாக கடைபிடிக்க வேண்டும். ஏனென்றால், கடந்த வாரம் அமெரிக்காவில் Houston Executive ஏர்போர்ட்டில் இருந்து 20 பணியாளர்கள் மற்றும் பயணிகளுடன் சென்ற MD-80 ரக சிறிய விமானம் விபத்துக்குள்ளாகி எரிந்து சாம்பலானது. இதனால் விமானத்தில் இருந்த அனைவரும் பலியாகியிருக்கலாம் என கருதப்பட்ட நிலையில், ​​இதில் பயணம் செய்த ஒருவர் கூட உயிரிழக்கவில்லை, இருவர் மட்டுமே லேசான காயம் அடைந்தனர்.

இதைப் பார்த்த பலரும் இது எப்படி சாத்தியம் என்று இணையத்தில் இந்த வீடியோவை ட்ரெண்ட் செய்து வருகின்றனர். இந்நிலையில், அனுபவம் வாய்ந்த விமானி ஒருவர் தகவல் பகிர்வு தளமான Quora-வில் இது தொடர்பான குறிப்புகளை பகிர்ந்துள்ளார். இதில், நீங்கள் விமான விபத்தில் சிக்கினால் என்ன செய்வீர்கள்? இதுபோன்ற ஒரு சந்தர்ப்பத்திற்கு நாம் எவ்வாறு தயாராக இருக்க வேண்டும் என்பது பற்றி அவர் கூறியிருக்கிறார். விமானம் முதலில் விபத்துக்குள்ளாகப் போகிறது என்றால், நீங்கள் கூர்மையானதாக இருக்கும் எல்லாவற்றையும் உங்கள் பாக்கெட்டுகளில் இருந்து வெளியே எடுத்துக் கொள்ள வேண்டும்.

குறிப்பாக உங்கள் பெல்ட் மற்றும் ஹை ஹீல்ஸ், ஷூக்களை கழற்ற வேண்டும். விமானப் பணிப்பெண்ணிடமிருந்து அறிவுறுத்தல்களைப் பெறும் வரை பயணிகள் தங்கள் இருக்கைகளில் இருக்க வேண்டும். மேலும் அவர்கள் சொல்லும் வரை எந்த கதவுகளையும் ஜன்னல்களையும் திறக்காதீர்கள். ஒருவேளை அந்த விமானத்தில் புகை இருந்தால், துணியை ஈரமாக வைக்கவும் (வெளியேறும் போது புகை வந்தாலும்), அது சுவாசிக்க உதவும். அதாவது விமானம் தண்ணீரில் தரையிறங்கினால் நீங்கள் அணிந்திருக்கும் உயிர்காக்கும் life vest-ஐ தூக்காதீர்கள். விமானத்தில் தண்ணீர் நிரப்பப்பட்டால், அது விமானத்தின் கூரைக்குள் சிக்கி நீருக்கடியில் நீந்த முடியாமல் போகும் என அவர் குறிப்பிட்டுள்ளார்.

மேலும், விமானத்தில் பொதுவாக பயணிகள் ஏறும் போது, பலருக்கும் அவசரகால வெளியேறும் வழி எங்கிருக்கிறது என்பது தெரியாது. எனவே விமானத்தில் தங்கள் இருக்கைக்குச் செல்லும்போது, ​​அருகில் கதவுகள் எங்கு உள்ளன என்பதைச் சரிபார்க்க வேண்டும். விபத்தின் போது இது உதவியாக இருக்கும்.

Contact Us