இரட்டை குண்டு வெடிப்பு…. 25 பேர் பலி…. பிரபல நாட்டில் பயங்கரம்….!!

ஆப்கானிஸ்தான் நாட்டின் தலைநகர் காபூலில் மிகப்பெரிய இராணுவ மருத்துவமனை ஒன்று உள்ளது. இந்த மருத்துவமனையில் நேற்று 2 வெடிகுண்டுகள் தொடர்ந்து வெடித்ததோடு, அப்பகுதியில் துப்பாக்கிச்சூடு தாக்குதலும் நடத்தப்பட்டது.மேலும், வெடிகுண்டை உடலில் மறைத்து வைத்து கொண்டுவந்த மர்ம நபர் மருத்துவமனை வளாகத்தில் மக்கள் அதிகம் கூடியிருந்த பகுதியில் அதனை வெடிக்க செய்தார்.

இந்த தாக்குதலில் 25 பேர் சம்பவ இடத்திலேயே பரிதாபமாக உயிரிழந்தனர், மேலும் 50-க்கும் மேற்பட்டோர் படுகாயம் அடைந்துள்ளனர். இதனால், காபூல் இராணுவ மருத்துவமனை போர்களம் போன்று காட்சியளிப்பதால் அப்பகுதியில் தலீபான் அமைப்பின் பாதுகாப்பு படையினர் ஏராளமானோர் குவிக்கப்பட்டுள்ளனர். பின்னர், இந்த தாக்குதலை நடத்தியது யார்..? என்ற குழப்பம் நீடித்து வந்தது.

Contact Us