Annaatthe:’அண்ணாத்த’க்கு தங்கையாக நடிக்க கீர்த்திக்கு இத்தனை கோடி சம்பளமா!

அண்ணாத்த’க்கு தங்கையாக நடிக்க கீர்த்திக்கு இத்தனை கோடி சம்பளமா!
சிறுத்தை சிவா இயக்கத்தில் ரஜினிகாந்த் நடிப்பில் தீபாவளி பண்டிகை அன்று வெளியான அண்ணாத்த படம் சூப்பர் ஹிட்டாகியுள்ளது. படம் ரிலீஸான இரண்டே நாளில் உலக அளவில் ரூ. 100 கோடி வசூல் செய்துவிட்டது.

மேலும் அமெரிக்காவில் இந்த ஆண்டு வெளியான தமிழ் படங்களில் அதிகம் வசூல் செய்த படம் என்கிற பெருமையை பெற்றிருக்கிறது அண்ணாத்த.

ரஜினி, அவரின் தங்கையான கீர்த்தி சுரேஷ் இடையேயான பாசம் தான் ஹைலைட். ஆனால் படம் பார்த்தவர்களோ மகள் வயது பெண் போய் ரஜினிக்கு தங்கையா என்று கிண்டல் செய்துள்ளனர். தங்கை என்ன, தேவைப்பட்டால் ரஜினிக்கு ஜோடியாக கூட என் மகள் நடிப்பாள் என்று கீர்த்தியின் அம்மா மேனகா பேட்டி ஒன்றில் தெரிவித்துள்ளார்.

இந்நிலையில் ரஜினியின் தங்கையாக நடிக்க கீர்த்தி சுரேஷுக்கு ரூ. 2 கோடி சம்பளம் கொடுக்கப்பட்டதாக தகவல் வெளியாகியிருக்கிறது. ரஜினியை அடுத்து மெகா ஸ்டார் சிரஞ்சீவிக்கு தங்கையாக நடிக்கிறார் கீர்த்தி.

அஜித் நடிப்பில் வெளியான வேதாளம் படத்தை சிரஞ்சீவியை வைத்து போலா ஷங்கர் என்கிற பெயரில் தெலுங்கில் ரீமேக் செய்கிறார்கள். அந்த படத்தில் தான் தங்கையாக நடிக்க ஓகே சொல்லியிருக்கிறார் கீர்த்தி.

சிரஞ்சீவிக்கு ஜோடியாக தமன்னா நடிக்கிறார். அதற்காக பெரிய தொகையை சம்பளமாக கேட்டிருக்கிறாராம் தம்மு.

Contact Us