மணப்பெண்ணை கடத்திய வாலிபர்கள் – மாப்பிள்ளைக்கு வந்த கூட்டு பாலியல் வன்கொடுமை வீடியோ

கட்டிடத்தில் பெயிண்ட் அடித்துக் கொண்டு இருந்த பெயிண்டர்கள் அதே கட்டிடத்தில் வேலை செய்து கொண்டிருந்த இளம்பெண்ணிடம் வேறு இடத்தில் நல்ல வேலை வாங்கித் தருவதாக சொல்ல அதை நம்பி அந்த இளம் பெண்ணும் அவர்களுடன் பைக்கில் செல்ல, நடுவழியில் பைக்கை நிறுத்திவிட்டு காட்டுப்பகுதிக்குள் தூக்கிச் சென்று பாலியல் வன்கொடுமை செய்ததோடு அல்லாமல், அந்த இளம் பெண்ணின் திருமணத்தை நிறுத்த விதமாக பாலியல் வன்கொடுமை செய்த வீடியோ அனைத்தையும் வருங்கால கணவருக்கு அனுப்பி வைத்து பேரதிர்ச்சி கொடுத்துள்ளனர்.

தெலுங்கானா மாநிலத்தில் மகபூப் நகரில் இருக்கும் டிடி குட்டா என்கிற இடத்தில் ராஜு, ஆஞ்சநேயலு வாலிபர்கள் ஒரு கட்டடத்தில் பெயிண்டிங் வேலை செய்து கொண்டிருந்திருக்கிறார்கள். அதே கட்டிடத்தில் வேலை செய்து கொண்டிருந்த இளம் பெண்ணிடம் வேறு இடத்தில் நல்ல வேலை வாங்கித் தருவதாக சொல்ல அதை நம்பிய அந்த இளம்பெண் அந்த இரு வாலிபர்களுடன் பைக்கில் சென்றிருக்கிறார்.

காட்டுப் பகுதிக்கு சென்று பைக்கை நிறுத்திவிட்டு அந்த இளம்பெண்ணை காட்டுப்பகுதிக்குள் தூக்கிச் சென்றிருக்கிறார்கள். அந்த இளம்பெண்ணை கூட்டு பாலியல் வன்கொடுமை செய்த இரண்டு வாலிபர்களும் அதையே தங்களது செல்போனில் வீடியோவாகவும் எடுத்து வைத்துக் கொண்டிருக்கிறார்கள்.

கடந்த ஐந்தாம் தேதி இந்த சம்பவம் நடந்திருக்கிறது. வரும் 18ம் தேதி அந்த இளம்பெண்ணுக்கு திருமணம் நடைபெறுவதாக இருந்தது. இதனால் அந்த திருமணத்தை கெடுக்கும் விதமாக அவர்கள் இப்படி ஒரு சம்பவத்தில் ஈடுபட்டுள்ளனர். தாங்கள் எடுத்த வீடியோவை கடந்த 10ஆம் தேதி அன்று அந்த இளம்பெண்ணின் வருங்கால கணவருக்கு அனுப்பி வைத்து இருக்கிறார்கள்.

இதை கண்டு அதிர்ச்சி அடைந்த மாப்பிள்ளை வீட்டார் பெண் வீட்டாரிடம் தகராறு செய்ய அதிர்ந்துபோன பெண் வீட்டார் போலீசில் புகார் அளித்துள்ளனர். இளம்பெண்ணை பாலியல் வன்கொடுமை செய்த இரண்டு பேரையும் கடந்த 12ஆம் தேதி என்று போலீசார் கைது செய்துள்ளனர்.

Contact Us