தமிழகத்தை உலுக்கிய சம்பவம்… கதறி அழுத அமைச்சர் ஆர்.காந்தி..!

வேலூர் மாவட்டம் குடியாத்தம் அருகே உள்ள பேரணாம்பட் பகுதியில் அஜித்தா தெருவில் உள்ள இரண்டு குடும்பத்தினர் நேற்று முன்தினம் மழை பெய்த காரணத்தினால் அருகிலிருந்த ஒரு மாடிவீட்டில் தங்கியுள்ளனர். தொடர் மழையால் நேற்று காலை கட்டிடம் இடிந்து விழுந்தது .

இந்த கட்டிடம் இடிந்த விபத்தில் இடிபாடுகளில் சிக்கி 4 குழந்தைகள் உள்பட 9 பேர் பலியாகினர். 9 பேர் காயமடைந்தனர். மீட்கப்பட்டவர்கள் பேரணாம்பட்டு, குடியாத்தம், அரசு மருத்துவமனையில் சிகிச்சைக்காக அனுமதிக்கப்பட்டுள்ளனர்.

 

சம்பவ இடத்திற்கு மாவட்ட ஆட்சித் தலைவர் குமாரவேல பாண்டியன் மற்றும் வருவாய் துறையினர் மற்றும் காவல் துறையினர் மீட்பு பணிகளில் ஈடுபட்டு வருகின்றனர். இந்த கோர சம்பவம் அப்பகுதியில் பெரும் சோகத்தை ஏற்படுத்தியுள்ளது.

இந்நிலையில், உயிரிழந்தவர்களின் குடும்பத்துக்கு ஆறுதல் கூறச் சென்ற துணி நூல் துறை அமைச்சர் ஆர்.காந்தி இறந்த குழந்தைகளையும், பாதிக்கப்பட்டவர்களையும் பார்த்து கதறி அழுதார். அப்போது உடனிருந்தவர்கள் அமைச்சரை தேற்றியதுடன், அப்பகுதியில் தடுப்புச்சுவர் அமைக்க உள்ளிட்ட கோரிக்கைகளை வைத்தனர்.

Contact Us