5 மாதங்களாக பரோலை அள்ளிக் கொடுத்த முதல்வர் ஸ்டாலின்: பேரறிவாளனுக்கு தொடர் சிகிச்சை…

பேரறிவாளனுக்கு வழங்கப்பட்ட பரோலை 7ஆவது முறையாக நீட்டித்து நீட்டித்து தமிழ்நாடு அரசு உத்தரவிட்டுள்ளது. ராஜீவ்காந்தி கொலை வழக்கில் சிறையிலுள்ள பேரறிவாளனுக்கு மருத்துவக் காரணங்களின் அடிப்படையில் விடுப்பு வழங்க வேண்டும் என அவரது தாயார் அற்புதம்மாள் கடந்த மே மாதம் கோரிக்கை விடுத்திருந்தார். இந்த கோரிக்கையை ஏற்று 30 நாட்கள் பரோல் வழங்கி தமிழ்நாடு அரசு உத்தரவிட்டது. அதன்படி கடந்த மே 28ஆம் தேதி, அவர் புழல் சிறையில் இருந்து திருப்பத்தூரில் உள்ள சொந்த ஊருக்கு அழைத்துச் செல்லப்பட்டார். இந்நிலையில், பேரறிவாளனுக்கு வழங்கப்பட்ட ஒரு மாதம் பரோல் நிறைவடைய இருந்த நிலையில், ஜூன் 19ஆம் தேதி மருத்துவச் சிகிச்சையைத் தொடர்ந்து அளித்தால் தான் நன்மை என மருத்துவர்கள் கூறுவதால் பரோலை மேலும் ஒரு மாதம் நீட்டிக்க வேண்டும் என அவரது தயார் அற்புதம்மாள் முதலமைச்சருக்குக் கோரிக்கை விடுத்திருந்தார். இதையடுத்து பேரறிவாளனின் பரோல் நீட்டிக்கப்பட்டது. இதையடுத்து அவர் சிறுநீரக தொற்றுக்காகச் சிகிச்சை பெற்று வந்தார். மேலும், ஜூலை, ஆகஸ்ட், செப்டம்பர், அக்டோபர், நவம்பர் எனத் தொடர்ந்து 5 மாதங்களுக்கு அவரது பரோல் நீட்டிக்கப்பட்டது. உண்மையில் முதல்வர் ஸ்டாலினை பாராட்டாமல் இருக்க முடியாது. ஈழத் தமிழர்கள் மேல் அவர் கொண்டுள்ள பற்றுதலை இது எடுத்துக் காட்டுகிறது.

Contact Us