வியத்தகு முறையில் காவல்துறை சிவகங்கையில் 1,229 ரவுடிகள் கைது..!

சிவகங்கை மாவட்டத்தில் 20201ல் 954 சாலை விபத்துகளில் 325 பேர் உயிரிழந்துள்ளதாக மாவட்ட காவல் துறை தகவல் வெளியிட்டுள்ளது . இது குறித்து மாவட்ட காவல்துறை சார்பில் தெரிவிக்கப்பட்டுள்ளதாவது; 2021 ஜனவரி முதல் டிசம்பர் 30ம் தேதி வரை சிவகங்கை மாவட்ட அளவில் நடந்த 954 சாலை விபத்துகளில் 325 பேர் பலியாகியுள்ளனர். 242 கொள்ளை திருட்டு வழக்கில் ரூபாய் 1.6 கோடி மதிப்பிலான நகை பணம் மீட்க்கப்பட்டுள்ளன.

மாவட்டத்தில் ரவுடிகளை ஒடுக்க அமைக்கப்பட்ட தனிப்படை மூலம் 2021 ஆம் ஆண்டில் 2055 ரவுடிகளை சோதனை செய்ததில் சட்டவிரோதமாக செயல்பட்ட 1229 ரவுடிகளை கைது செய்து 120 வால் 45 கத்தி உட்பட 173 ஆயுதங்களைப் பறிமுதல் செய்துள்ளனர். இதில் தொடர் குற்றங்களில் ஈடுபட்ட 16 பேர் மீது குண்டர் தடுப்பு சட்டத்தில் கைது செய்துள்ளனர்.

42 கொலை வழக்கில் 142பேர் கைதாகியுள்ளனர். மாவட்ட அளவில் 336 கொள்ளை திருட்டு வழக்குகள் பதிவானதில் 242 வழக்குகளில் குற்றவாளிகளை கண்டறிந்து அவர்களிடம் இருந்து 1 கோடியே 6 லட்சத்து 44 ஆயிரத்து 276 ரூபாய் நகை பணத்தை பறிமுதல் செய்துள்ளனர். கஞ்சா விற்பனையில் ஈடுபட்டதாக 42 வழக்குகள் பதிவு செய்து 3 லட்சத்து 33 ஆயிரத்து 400 ரூபாய் மதிப்புள்ள 33.340 கிலோ கஞ்சா மற்றும் தடை செய்த புகையிலை விற்றதாக 731 வழக்கு பதிந்து ரூபாய் 10 லட்சத்து 32 ஆயிரத்து 500 மதிப்புள்ள ஆயிரத்து 32 கிலோ பறிமுதல் செய்துள்ளனர்.

Contact Us