செல்போன் எடுத்துச்சென்ற பள்ளி மாணவியின் ஆடையை அவிழ்த்து தண்டனை..! தலைமை ஆசிரியை துணிகரம்

மைசூர்: ஸ்ரீரங்கப்பட்டணா தாலுக்காவில் உள்ள அரசுப் பள்ளியில் செல்போன் எடுத்துச் சென்ற சிறுமியின் ஆடையை கழற்றி பள்ளித் தலைமையாசிரியை வகுப்பறையில் அடைத்து வைத்த கொடூர சம்பவம் நடந்துள்ளது.

மாண்டியா மாவட்டத்தில் ஸ்ரீரங்கப்பட்டினம் அருகே உள்ள கானகூர் அரசுப் பள்ளியில் படித்தும் வரும் எட்டாம் வகுப்பு படிக்கும் மாணவி செல்போனுடன் பள்ளிக்கு சென்றுள்ளார். அதை கண்டுபிடித்த தலைமை ஆசிரியை சினேக லதா, சிறுமியை வகுப்பறைக்கு அழைத்துச் சென்று கண்டித்துள்ளார். மேலும், தண்டனையாக சிறுமியின் ஆடைகளை அவிழ்த்து சிறிது நேரம் அடைத்து வைத்துள்ளார். பின்னர் நடந்த சம்பவம் குறித்து மாணவி தனது பெற்றோரிடம் கூறியுள்ளார். மேலும், மற்ற மாணவர்களும்

சிறுமியின் பெற்றோரிடம் புகார் அளித்தனர். அதனை தொடர்ந்து, பெற்றோர் கிராம பஞ்சாயத்து உறுப்பினர்களுடன் பள்ளிக்கு வந்து தலைமை ஆசிரியையை கடுமையாகக் கண்டித்தனர். மேலும், இதுகுறித்து ஸ்ரீரங்கப்பட்டின தாசில்தார் ஸ்வேதா மற்றும் வட்டார கல்வி அலுவலரிடமும் புகார் மனு அளித்தனர்.

இதற்கிடையில், மாண்டியா முதன்மை கல்வித்துறை துணை இயக்குனர் எஸ்.டி.ஜவரெகவுடா ஆசிரியை சினேக லதாவை பணியிடை நீக்கம் செய்து உத்தரவிட்டார். மேலும், அவர் மீது துறை ரீதியான நடவடிக்கை எடுக்கப்படும் என்றும் தெரிவிக்கப்பட்டுள்ளது. இச்சம்பவம் பள்ளி வட்டாரத்தில் பெரும் பரபரப்பை ஏற்படுத்தியுள்ளது.

Contact Us