கண்களைக் கலங்க வைத்த கொடூரம்! காசர்கோடு சிறுவனுக்கு நேர்ந்த கொடுமை: அதிர்ச்சித் தகவல்கள் வெளியானது!
காசர்கோடு: கேரள மாநிலம் காசர்கோட்டில், 16 வயது சிறுவன் பாலியல் துன்புறுத்தலுக்கு ஆளான சம்பவம் குறித்து வெளியான கூடுதல் தகவல்கள், மாநிலம் முழுவதும் பெரும் அதிர்ச்சியையும், கொந்தளிப்பையும் ஏற்படுத்தியுள்ளது. அந்தச் சிறுவன் தனது 14 வயதிலிருந்தே இந்த கொடூரத்திற்கு ஆளானதாக காவல்துறை தெரிவித்துள்ளது.
டேட்டிங் செயலி மூலம் அறிமுகம்
காசர்கோடு மாவட்ட காவல் கண்காணிப்பாளர் விஜய் பாரத் ரெட்டி வெளியிட்ட தகவலின்படி, பாதிக்கப்பட்ட அந்தச் சிறுவன் டேட்டிங் செயலி (Dating App) மூலம் குற்றவாளிகளை அறிமுகம் செய்து கொண்டான். இந்த செயலியைப் பயன்படுத்தி, அந்த சிறுவனை பாலியல் ரீதியாக துன்புறுத்தியதாகவும், இந்த செயலுக்கு Google Pay மூலம் பணம் பரிமாற்றம் செய்யப்பட்டதாகவும் போலீசார் கண்டறிந்துள்ளனர்.
அதிகாரிகள், அரசியல்வாதிகளும் சிக்கினர்!
இந்த வழக்கில் இதுவரை 10 பேர் கைது செய்யப்பட்டுள்ளனர். மேலும், கல்வித் துறை மற்றும் ரயில்வே துறை அதிகாரிகள், உள்ளூர் அரசியல் தலைவர்கள் உட்பட மொத்தம் 14 பேர் இந்த வழக்கில் சம்பந்தப்பட்டிருப்பதாக கூறப்படுகிறது. அவர்களில் சிலர் தலைமறைவாக உள்ளனர்.
இந்தச் சம்பவம், சமூக ஊடகங்கள் மற்றும் ஆன்லைன் தளங்கள் மூலம் குழந்தைகள் சந்திக்கும் ஆபத்துகளை மீண்டும் ஒருமுறை எடுத்துக்காட்டுகிறது. இந்த அதிர்ச்சிகரமான தகவல்கள், கேரள சமூகத்தை ஆழமாக உலுக்கியுள்ளது. குற்றவாளிகளுக்கு கடுமையான தண்டனை வழங்க வேண்டும் என்ற கோரிக்கை வலுத்து வருகிறது.