அமெரிக்காவின் மிச்சிகன் மாகாணம் கிராண்ட் பிளாங்கில் (Grand Blanc) உள்ள ‘சர்ச் ஆஃப் ஜீசஸ் கிரைஸ்ட் ஆஃப் லேட்டர்-டே செயிண்ட்ஸ்’ (Church of Jesus Christ of Latter-day Saints) என்ற மோர்மன் தேவாலயத்தில் நடந்த துப்பாக்கிச் சூடு மற்றும் தீ விபத்தில், துப்பாக்கிச் சூடு நடத்தியவர் உட்பட, குறைந்தது இரண்டு பேர் கொல்லப்பட்டுள்ளனர்.
முக்கியத் தகவல்கள்:
- துப்பாக்கிச் சூட்டுக்குப் பிறகு தேவாலயம் முழுவதும் தீப்பிடித்து எரிந்தது. சம்பவ இடத்திலிருந்து வெளியான காணொளிகளில் தேவாலயத்தின் கூரை இடிந்து விழத் தொடங்குவது தெரிந்தது.
- “பலியானோர் எண்ணிக்கை அதிகமாக இருக்கலாம்” என்று காவல்துறை தெரிவித்துள்ளது. தீ அணைக்கப்பட்ட பின்னரே உயிரிழந்தவர்கள் குறித்த முழுமையான தகவல்கள் தெரியவரும் என்று எதிர்பார்க்கப்படுகிறது.
- இந்தச் சம்பவத்தில் “பல பாதிக்கப்பட்டவர்கள்” இருப்பதாகக் காவல்துறை உறுதிப்படுத்தியுள்ளது.
- காயமடைந்தவர்களில் குழந்தைகளும் இருக்கலாம் என்று சில தகவல் வட்டாரங்கள் தெரிவிக்கின்றன.
தற்போது, துப்பாக்கிச் சூடு நடத்தியவர் இறந்துவிட்டதால், பொதுமக்களுக்கு எந்த அச்சுறுத்தலும் இல்லை என்று காவல்துறை தெரிவித்துள்ளது. இருப்பினும், சம்பவ இடத்தைச் சுற்றியுள்ள பகுதிகளைத் தவிர்க்குமாறு மக்கள் கேட்டுக் கொள்ளப்பட்டுள்ளனர்.
