பிக்பாஸ் புகழ் நடிகை அபிராமி வெங்கடாசலம், தனது பிரத்யேக புகைப்படங்களுக்காக தொடங்கிய பெய்டு சப்ஸ்கிரிப்ஷன் (Paid Subscription) தளத்தில், சில ரசிகர்கள் வரம்பு மீறி ஆபாசமான வீடியோக்களையும் புகைப்படங்களையும் கேட்டதற்கு மிகக் காட்டமாக பதிலளித்துள்ளார். “நான் படைப்பாளி, ஆபாச நடிகை அல்ல” என்று அவர் கூறியிருப்பது கோலிவுட்டில் பெரும் பரபரப்பை ஏற்படுத்தியுள்ளது.
வரம்பு மீறிய ரசிகர்கள் – அதிர்ச்சியில் அபிராமி!சமூக வலைதளங்களில் ஒரு மில்லியனுக்கும் அதிகமான பின்தொடர்பாளர்களைக் கொண்ட அபிராமி, தனது ரசிகர்களுடன் பிரத்யேகமான மற்றும் இதுவரை வெளியிடாத கலைநயம் மிக்க (Artistic Photos) புகைப்படங்களை பகிர்ந்து கொள்வதற்காக மாதம் 399 ரூபாய் கட்டணத்தில் ஒரு தளத்தைத் தொடங்கினார். ஆனால், பணம் செலுத்திவிட்டோம் என்பதால் எதை வேண்டுமானாலும் கேட்கலாம் என்ற ரீதியில் சில சப்ஸ்கிரைபர்கள் அவரிடம் நிர்வாண புகைப்படங்களையும், ஆபாச வீடியோக்களையும் கேட்டு மெசேஜ் செய்துள்ளனர். இதனால் ஆத்திரமடைந்த அபிராமி, தனது இன்ஸ்டாகிராம் ஸ்டோரியில் அந்த ரசிகர்களுக்கு ‘ரோஸ்ட்’ கொடுத்துள்ளார்.
“நிர்வாணத்தை எதிர்பார்க்காதீர்” – அதிரடி எச்சரிக்கை!தனது ஸ்டோரியில் மிகத் தெளிவாகப் பேசியுள்ள அபிராமி, “யாராவது சப்ஸ்கிரிப்ஷன் எடுத்துவிட்டோம் என்பதற்காக நான் நிர்வாணமாக நிற்க வேண்டும் என்று எதிர்பார்த்தால், தயவு செய்து இப்போதே அன்-சப்ஸ்கிரைப் செய்துவிட்டு ஓடிவிடுங்கள். நான் என்ன போஸ்ட் செய்ய வேண்டும் என்று எனக்குச் சொல்லித்தர யாரும் தேவையில்லை. எனது படைப்பாற்றலை பகிர்ந்து கொள்ளவே இங்கு வந்துள்ளேன். இது ஒன்றும் ஆபாச இணையதளம் (Porn site) கிடையாது” என்று முகத்தில் அடித்தார் போல் கூறியுள்ளார்.
கலைக்கும் ஆபாசத்திற்கும் உள்ள வித்தியாசம்-மேலும் தனது பதிவில், “கிரியேட்டர்களின் எல்லைகளை மதிக்கக் கற்றுக்கொள்ளுங்கள். பணம் கொடுத்துவிட்டால் எதை வேண்டுமானாலும் பார்க்கலாம் என்று நினைப்பது தவறு. படைப்பாற்றலை ரசிப்பவர்களுக்கு மட்டுமே இங்கு இடமுண்டு” என்று அவர் குறிப்பிட்டுள்ளார். ஏற்கனவே உடல் உருவக் கேலி (Body Shaming) மற்றும் ஆன்லைன் ட்ரோல்களால் பாதிக்கப்பட்டிருந்த அபிராமி, தற்போது இந்த விஷயத்தில் காட்டியுள்ள உறுதி பல நடிகைகளுக்கும் ஒரு முன்னுதாரணமாகப் பார்க்கப்படுகிறது.
