சமுத்திரக்கனி, பரத் நடித்த ‘வீரவணக்கம்’ திரைப்படம் ஆகஸ்ட் 26-ஆம் தேதி ரிலீஸ்!
பிரபல மலையாள இயக்குநரான அனில் வி. நாகேந்திரன் முதன்முறையாக தமிழில் இயக்கியுள்ள திரைப்படம் “வீரவணக்கம்”. இந்த படத்தில் நடிகர் சமுத்திரக்கனியும், பரத்தும் முதன்முறையாக இணைந்து நடித்துள்ளனர்.
சமூகத்தில் நிலவும் ஏற்றத்தாழ்வுகளையும், அநீதிகளையும் பேசுவதோடு, கடந்த காலத்தில் நடந்த புரட்சிகளையும் இந்த திரைப்படம் ஒரு முக்கியமான கருத்துடன் நமக்கு உணர்த்தும் விதமாக எடுக்கப்பட்டுள்ளது. தமிழ்நாட்டிலும் கேரளாவிலும் படப்பிடிப்பு நடத்தப்பட்டுள்ளது.
சமீபத்தில் இந்தத் திரைப்படத்தின் சிறப்புக் காட்சி திரையிடப்பட்டது. இதைப் பார்த்த திரையுலக பிரபலங்கள் படத்திற்குப் பாராட்டுகளைத் தெரிவித்துள்ளனர். இந்தப் படத்தில், தேசிய விருது பெற்ற நடிகை சுரபி லக்ஷ்மி ஒரு முக்கிய கதாபாத்திரத்தில் நடித்துள்ளார்.
இந்நிலையில், “வீரவணக்கம்” திரைப்படம் வரும் ஆகஸ்ட் 26-ஆம் தேதி திரையரங்குகளில் வெளியாகும் என அதிகாரப்பூர்வமாக அறிவிக்கப்பட்டுள்ளது.
