நடிகர் தனுஷ் மற்றும் பிரபல நடிகை மிருணாள் தாகூர் காதல் தொடர்பில் இருப்பதாக சமூக வலைதளங்களில் கிசுகிசுக்கப்பட்டு வருகிறது. ரஜினிகாந்தின் மூத்த மகள் ஐஸ்வர்யாவை விவாகரத்து செய்த நிலையில், இந்த செய்தி கோலிவுட் வட்டாரத்தில் பரபரப்பை ஏற்படுத்தியுள்ளது.
தனுஷ் சமீபத்தில் நடித்த ‘தேரே இஸ்க் மெயின்’ படத்தின் படப்பிடிப்பு முடிந்ததும், படக்குழு மும்பையில் ஒரு ‘மிட்நைட்’ பார்ட்டிக்கு ஏற்பாடு செய்தது. இதில் மிருணாள் தாகூர் கலந்துகொண்டது இந்த வதந்திகளுக்கு தீனி போட்டது.
மேலும், மிருணாள் தாகூர் நடித்த ‘சன் ஆப் சர்தார் 2’ திரைப்படத்தின் விழாவில் தனுஷ் கலந்துகொண்ட வீடியோவும் தற்போது வைரலாகி வருகிறது. இத்தகைய பொது நிகழ்வுகளில் இருவரும் ஒன்றாகக் காணப்படுவது, அவர்களின் காதல் குறித்த பேச்சுக்கு மேலும் வலு சேர்த்துள்ளது.
சமூக வலைதளங்களில் இந்த ஜோடியின் காதல் பற்றி பரபரப்பாக பேசப்பட்டாலும், தனுஷ் அல்லது மிருணாள் தாகூர் தரப்பிலிருந்து இதுவரை எந்தவிதமான அதிகாரபூர்வ அறிவிப்பும் வெளியாகவில்லை. இதனால், ரசிகர்கள் மத்தியில் இந்த விவகாரம் பெரும் எதிர்பார்ப்பை ஏற்படுத்தியுள்ளது.
