நடிகர் ஜெயம் ரவி தனியாக இலங்கைக்குச் செல்லவில்லை! அவருடன் பாடகி கெனிஷாவும் இணைந்து இலங்கை வெளியுறவுத் துறை அமைச்சர் விஜித் ஹெராத்தை சந்தித்து பேசியுள்ள தகவல் தற்போது பரபரப்பை கிளப்பியுள்ளது. இந்த சந்திப்பு இலங்கையில் ஒரு பிரம்மாண்டமான இசை நிகழ்ச்சியை நடத்துவது தொடர்பாக நடந்ததாக தகவல்கள் தெரிவிக்கின்றன.
பல ஆல்பம் பாடல்களைப் பாடி பிரபலமான கெனிஷா, ஜெயம் ரவியின் ஆலோசனையின் பேரிலேயே இலங்கையில் இசை கச்சேரி நடத்துவது குறித்து பேச்சுவார்த்தை நடத்தியுள்ளார். விரைவில் இருவரும் இணைந்து இலங்கையில் ஒரு பெரிய இசை நிகழ்ச்சியை நடத்துவார்கள் என்று எதிர்பார்க்கப்படுகிறது. இந்த பயணம் தொடர்பான புகைப்படம் சமூக வலைத்தளங்களில் வைரலாகி வருகிறது. இது ஜெயம் ரவியின் சினிமா வாழ்க்கையில் ஒரு புதிய பரிமாணத்தை உருவாக்கும் என திரையுலக வட்டாரங்கள் ஆச்சரியத்துடன் பேசுகின்றன.
தற்போது ‘கராத்தே பாபு’, ‘பராசக்தி’, ‘ஜெனீ’, ‘தனி ஒருவன் 2’ போன்ற பல படங்களில் ஜெயம் ரவி நடித்து வருகிறார். சமீபகாலமாக அவரது நடிப்பில் வெளியான படங்கள் எதிர்பார்த்த வெற்றியைப் பெறவில்லை. எனவே, அடுத்தடுத்த படங்களில் வெற்றியை கொடுக்க வேண்டிய கட்டாயத்தில் அவர் இருக்கிறார். இந்த சூழலில், இலங்கைப் பயணம் மற்றும் இசை நிகழ்ச்சி குறித்த திட்டம், அவரது ரசிகர்களுக்கு உற்சாகத்தை ஏற்படுத்தியுள்ளது.
ஜெயம் ரவியின் இந்தத் திடீர் இலங்கை பயணம், இசை உலகில் ஒரு புதிய அத்தியாயத்தைத் தொடங்குவதோடு, அவரது திரை வாழ்க்கையிலும் ஒரு திருப்புமுனையாக அமையுமா என்பதை பொறுத்திருந்துதான் பார்க்க வேண்டும்.
