’96’ திரைப்படத்தின் மூலம் பெரும் வெற்றி கண்ட இயக்குநர் பிரேம் குமார், தனது அடுத்த படைப்பான ‘மெய்யழகன்’ குறித்து மனம் திறந்து பேசியுள்ளார். இந்தப் படத்தில் கார்த்தி மற்றும் அரவிந்த் சாமி இணைந்து நடித்திருந்தனர்.
‘மெய்யழகன்’ திரைப்படம் விமர்சகர்கள் மற்றும் சினிமா ரசிகர்களால் பாராட்டப்பட்டாலும், படம் வெளியாகி சில நாட்கள் கழித்து, இயக்குநர் பிரேம் குமார், தனது படத்தை தமிழில் எடுத்தது தவறா என்று யோசிப்பதாகத் தெரிவித்தார்.
பிரேம் குமார் சொன்னது என்ன?
- பிரேம் குமார் கூறுகையில், “மெய்யழகன் படத்தை நான் மலையாளத்தில் எடுத்திருந்தால், தமிழ் ரசிகர்கள் அதை நிச்சயம் கொண்டாடி இருப்பார்கள். தமிழில் எடுத்தது தான் நான் செய்த தவறு என்று என்னிடம் பலர் கூறினர். இருப்பினும், இப்படம் OTT தளத்தில் வெளியாகி எனக்கு பாராட்டுகளைப் பெற்றுத் தந்தது.”
- மேலும், தமிழ் சினிமாவில் விமர்சகர்களின் தாக்கம் குறித்துப் பேசுகையில், “பைரசியை விட, திரைப்படங்களுக்கு மிகப் பெரிய அச்சுறுத்தலாக ரிவ்யூவர்களைப் பார்க்கிறேன். அவர்களுக்கு மன ரீதியான பிரச்சனை இருக்கிறது. இதைச் சொல்வதில் எனக்கு எந்தப் பயமும் இல்லை” என்றும் அவர் தெரிவித்தார்.
இந்த செய்தி சமூக வலைதளங்களில் பெரும் விவாதத்தை ஏற்படுத்தியுள்ளது.
