தமிழ் சினிமாவின் பிரபல நகைச்சுவை நடிகர், மிமிக்ரி கலைஞர், நிகழ்ச்சி தொகுப்பாளர் என பன்முகத் திறமையுடன் வலம் வந்த மதன் பாப், உடல்நலக்குறைவால் காலமானார். அவருக்கு வயது 71.
‘வானமே எல்லை’ திரைப்படத்தின் மூலம் மதன் பாப் என அழைக்கப்பட்ட இவர், நடிகர் விவேக்குடன் இணைந்து பல படங்களில் நடித்தது குறிப்பிடத்தக்கது. கடந்த சில மாதங்களாக உடல்நலக்குறைவால் பாதிக்கப்பட்டு வந்த மதன் பாப், சிகிச்சை பலனின்றி இன்று உயிரிழந்தார்.
அவரது திடீர் மறைவு திரையுலகினரையும், ரசிகர்களையும் பெரும் அதிர்ச்சியில் ஆழ்த்தியுள்ளது. பிரபலங்கள் பலரும் அவரது மறைவிற்கு இரங்கல் தெரிவித்து வருகின்றனர்.
