அமெரிக்க ராணுவம் ஈரானில் தரை இறங்க இருந்த இடத்தில், முன்னரே வந்து மறைந்து இருந்துள்ளது ஈரான் ராணுவம். இந்த ரகசிய ஆப்பரேஷன் பற்றிய தகவல்கள் எப்படி ஈரானுக்கு கசிந்தது ? என்பது தொடர்பாக அமெரிக்க அரசு தற்போது விசாரணைகளை ஆரம்பித்துள்ளது. இதன் காரணத்தால் தான் அமெரிக்கா மேலும் 2 துருப்பு காவி விமானங்களை இழந்தது. இந்த ரகசிய திட்டத்தை ஒருவர், அமெரிக்க மீடியாவுக்கு பரப்ப, குறித்த மீடியா செய்தி வெளியிட்டதில் தான் ஈரான் அலேட் ஆனாது என்று கூறப்படுகிறது.
ஈரான் நிலப்பரப்பில் சிக்கியிருந்த “Dude-44” அமெரிக்க விமான வீரரை மீட்க அமெரிக்கா நடத்திய ரகசிய ஆபரேஷன் உலகளவில் அதிர்ச்சியை ஏற்படுத்திய நிலையில், “ஈரான் எப்படி இதை முன்கூட்டியே அறிந்தது?” என்ற கேள்வி பெரிய விவாதமாகியுள்ளது. F-15 போர் விமானம் சுட்டு வீழ்ந்ததும், இரு அமெரிக்க வீரர்கள் ஈரான் மலைப்பகுதியில் இறங்கியதால், ஈரான் ராணுவம் உடனடியாக தேடுதல் நடவடிக்கை தொடங்கியது. இதனால் மீட்பு நடவடிக்கை முழுவதும் கண்காணிக்கப்பட்டதாக பாதுகாப்பு நிபுணர்கள் கூறுகின்றனர்.
மலைப்பகுதியில் மறைந்து இருந்த அமெரிக்க வீரரை பிடிக்க IRGC படைகள் மட்டுமல்லாமல் உள்ளூர் ஆயுதம் வைத்த குழுக்கள், பழங்குடி ஆயுதப்படைகள் கூட தேடலில் ஈடுபட்டதாக தகவல்கள் தெரிவிக்கின்றன. அமெரிக்கா இந்த தேடலைத் தவிர்க்க CIA மூலம் தவறான தகவல்கள் பரப்பி ஈரானை குழப்ப முயன்றதாகவும் கூறப்படுகிறது. ஆனால் பல திசைகளில் அமெரிக்க விமானங்கள் நகர்ந்ததால், ஈரான் ரேடார் அமைப்புகள் மூலம் நடவடிக்கை குறித்து தகவல் கிடைத்திருக்கலாம் என நிபுணர்கள் கூறுகின்றனர்.
மீட்பு நடவடிக்கையின் அளவுதான் ஈரானுக்கு சந்தேகத்தை அதிகரித்ததாகவும் கூறப்படுகிறது. 150-க்கும் மேற்பட்ட விமானங்கள், டாங்கர் விமானங்கள், ஹெலிகாப்டர்கள், சிறப்பு படைகள் ஆகியவை ஒரே நேரத்தில் ஈரான் எல்லைக்குள் நகர்ந்ததால், இது சாதாரண ராணுவ இயக்கமல்ல என்பதை ஈரான் புரிந்துகொண்டதாக தகவல்கள் தெரிவிக்கின்றன. அமெரிக்கா “எதிரியை தள்ளி வைக்க” குண்டுவீச்சும், எலக்ட்ரானிக் ஜாமிங்கும் செய்ததாக கூறப்படுகிறது.
மேலும் அதிர்ச்சியாக, இந்த ரகசிய நடவடிக்கை பற்றிய தகவல் ஊடகங்களுக்கு கசிய்ந்ததாக கூறப்படுகிறது. இதனால் நடவடிக்கை ஆபத்தில் இருந்ததாக அமெரிக்க நிர்வாகம் குற்றம்சாட்டி, தகவல் வெளியிட்டவரை கண்டுபிடிக்க விசாரணை தொடங்கியதாக தகவல்கள் தெரிவிக்கின்றன. இந்த “லீக்” காரணமாக ஈரான் முன்னதாகவே விழிப்புணர்வுடன் இருந்திருக்கலாம் என்ற சந்தேகமும் எழுந்துள்ளது.
இந்த சம்பவம், நவீன போரில் ரகசிய நடவடிக்கைகள் முழுமையாக மறைக்க முடியாத நிலையை வெளிப்படுத்தியதாக ஆய்வாளர்கள் கூறுகின்றனர். ரேடார் கண்காணிப்பு, உள்ளூர் தகவல் வலையமைப்பு, தகவல் கசிவு — இந்த மூன்றின் சேர்க்கையால் ஈரான் அமெரிக்க மீட்பு முயற்சியை அறிந்திருக்கலாம் என பாதுகாப்பு வட்டாரங்கள் மதிப்பிடுகின்றன.
