வரலாற்று சாதனை! 34 ஆண்டுகள் கழித்து ரீ-ரிலீஸான ‘கேப்டன் பிரபாகரன்’ திரைப்படம், விஜயகாந்தின் பிறந்தநாளில் வெறித்தனமாக வசூல் வேட்டை!
சென்னை: தமிழ் சினிமாவின் தனித்துவமான நாயகனாக, மக்கள் மனதில் ‘கேப்டனாக’ சிம்மாசனம் போட்டு அமர்ந்திருக்கும் நடிகர் விஜயகாந்தின் ‘கேப்டன் பிரபாகரன்’ திரைப்படம், 34 ஆண்டுகளுக்குப் பிறகு மீண்டும் திரையரங்குகளில் வெளியாகி, வசூலில் புதிய அத்தியாயத்தை படைத்துள்ளது. இந்த ரீ-ரிலீஸ், விஜயகாந்த் ரசிகர்கள் மற்றும் திரையுலகினர் மத்தியில் பெரும் அதிர்ச்சியை ஏற்படுத்தியுள்ளது.
1991 ஆம் ஆண்டு வெளியாகி விஜயகாந்திற்கு ‘கேப்டன்’ பட்டத்தை பெற்றுத் தந்த இந்தத் திரைப்படம், அவரது பிறந்தநாளான ஆகஸ்ட் 22 ஆம் தேதி மீண்டும் வெளியானது. தேமுதிக பொதுச்செயலாளர் பிரேமலதா விஜயகாந்த் தன் குடும்பத்துடன் சென்று முதல் காட்சியைப் பார்த்து பெருமிதம் கொண்டார். “கேப்டன் மாவீரன் போல் நடித்துள்ளார். இப்ப எடுத்த படம் போல் இருக்கிறது. மாவீரனுக்கு மனைவியாக வாழ்ந்ததை நினைத்து பெருமைப்படுகிறேன்” என அவர் மனம் நெகிழ்ந்து பேசியது ரசிகர்களை உணர்ச்சிவசப்படுத்தியது.
இந்த ரீ-ரிலீஸ் வெளியான 24 நாட்களில் சுமார் 35 கோடி ரூபாய் வசூலித்துள்ளதாக தகவல்கள் வெளியாகியுள்ளன. இந்த பிரம்மாண்டமான வசூல், விஜயகாந்த் எனும் நடிகரின் ரசிகர்கள் கூட்டம் எந்த அளவு வலிமையானது என்பதை மீண்டும் நிரூபித்துள்ளது. இந்த வரலாற்றுச் சாதனையை கொண்டாடும் வகையில், படக்குழு புதிய போஸ்டர் ஒன்றை வெளியிட்டுள்ளது.
ஒரு நடிகரின் பழைய படம், ரீ-ரிலீஸில் இத்தனை பெரிய வசூலை குவிப்பது தமிழ் திரையுலகில் இதுவே முதல்முறை. இந்த சாதனை, விஜயகாந்தின் நட்சத்திர அந்தஸ்தும், ரசிகர்கள் மத்தியில் அவருக்கு இருக்கும் செல்வாக்கும் என்றும் குறையாதது என்பதை உணர்த்துகிறது.