“விஜய் போல நடந்தேன் என்றால் அதற்கு நான் என்ன செய்ய முடியும்?” “அது சாமானியனுக்கான படம்!”

 “அது சாமானியனுக்கான படம்!” – ‘மாஸ்க்’ வெற்றிக்குப் பிறகு நடிகர் கவின் பேட்டி: “விஜய் போல நடந்தேன் என்றால் அதற்கு நான் என்ன செய்ய முடியும்?”

நடிகர் கவின், ஆண்ட்ரியா நடிப்பில் வெளியான ‘மாஸ்க்’ திரைப்படம் குறித்துப் பத்திரிகையாளர் சந்திப்பு நடைபெற்றது. இதில், படம் பெற்ற வெற்றி குறித்தும், விஜய் போல நடப்பதாக எழுப்பப்பட்ட கேள்விக்குப் பதில் அளித்தது குறித்தும் கவின் பேசினார்.

படத்தின் வெற்றி மற்றும் கதைக்களம்

• மக்களுக்கான படம்: பத்திரிகையாளர் காட்சி மற்றும் பொதுமக்களிடமும் ‘மாஸ்க்’ படத்திற்கு நல்ல வரவேற்பு கிடைத்துள்ளதாக நடிகர் கவின் மகிழ்ச்சி தெரிவித்தார். “இது மக்களுக்கான கதை. நிஜ சம்பவத்தை அடிப்படையாக வைத்து மக்களுக்கான கதை சொல்ல வேண்டும் என நினைத்தோம். அது சரியாகச் சென்று சேர்ந்திருப்பதை பார்க்க மகிழ்ச்சியாக உள்ளது,” என்று அவர் குறிப்பிட்டார்.

• கடைசி 20 நிமிடங்களே காரணம்: படத்தின் முக்கியமான சண்டைக் காட்சியின் திருப்பம் குறித்துக் கேட்கப்பட்டபோது, “இந்தப் படத்தை ஒப்புக்கொண்டதற்கு முக்கிய காரணமே கடைசி 20 நிமிடங்கள் தான். இது சாமானியனுக்கான படம், அவர்களின் வலியைப் பேசும் படம். பத்து பேரை அடிப்பது ஹீரோயிசம் என்றால், நல்லவர்களைக் காப்பாற்றுவதும் ஹீரோயிசம் தான். அதைத்தான் இந்தப் படத்தில் புதிய விஷயமாக நான் பார்த்தேன்” என்றார் கவின்.

தயாரிப்பாளரின் தியாகம்

ஆண்ட்ரியாவின் முதலீடு: நடிகை ஆண்ட்ரியா தனது வீட்டை அடமானம் வைத்து இந்தப் படத்தைத் தயாரித்ததாக எழுந்த தகவல் குறித்துக் கவினிடம் கேட்கப்பட்டது.

பதில்: “எங்கள் படத்தின் தயாரிப்பாளர்களில் ஒருவரான நடிகை ஆண்ட்ரியா, தனது வீட்டை அடமானம் வைத்துதான் படத்துக்கான முதலீட்டைச் செய்திருந்தார். படம் மக்களிடம் நல்ல வரவேற்பைப் பெற்றிருக்கிறது. அதனால் அவரின் வீடும் பத்திரமாக இருக்கும் என நம்புகிறோம்” என்று கவின் நம்பிக்கை தெரிவித்தார்.

கேள்வி: “நீங்கள் நடப்பதையும், நடிகர் விஜய் நடப்பதையும் சேர்த்துப் போட்டு, அப்படியே இருக்கிறது என்கிறார்களே?” என்று பத்திரிகையாளர் கேள்வி எழுப்பினார்.

கவின் பதில்: அதற்குப் பதிலளித்த கவின், “அன்று கால் வலி என மெதுவாக நடந்திருப்பேன். யார் யார் வசதிக்கு என்ன தேவையோ அதைச் சொல்கிறார்கள். அதற்கு நாம் என்ன செய்ய முடியும்?” என்று கூலாகக் பதிலளித்தார்.

இளையராஜா பாடல்கள் குறித்து விளக்கம்

இயக்குநர் விகர்ணன் பேசியபோது, படத்தில் பல இளையராஜா பாடல்கள் பயன்படுத்தப்பட்டது குறித்து விளக்கமளித்தார். “அந்தப் பாடல்கள் எல்லாம் இருந்தால் நன்றாக இருக்கும் என எடிட்டிங்கில் யோசித்து முடிவு செய்தோம். நாங்கள் அந்தப் பாடலை இளையராஜாவிடம் ஆசி பெற்று, அனுமதி பெற்று, என்.ஓ.சி வாங்கிய பின்பே பயன்படுத்தினோம்,” என்று அவர் தெளிவுபடுத்தினார்.