‘காற்று வெளியிடை’ மற்றும் மணிரத்னம் படங்களில் நடித்துப் புகழ் பெற்ற நடிகை அதிதி ராவ் ஹைதரி, தனது பெயரைப் பயன்படுத்தி வாட்ஸ்அப் மூலம் சிலர் புகைப்படக் கலைஞர்களை (Photographers) தொடர்புகொண்டு போட்டோஷூட்களுக்காகப் பேசுவதாகவும், இது மோசடி எனவும் எச்சரித்துள்ளார்.
தனது பெயரைப் பயன்படுத்தி ஒரு நபர் வாட்ஸ்அப் மூலம் புகைப்படக் கலைஞர்களைத் தொடர்புகொண்டு, போட்டோஷூட்களை ஏற்பாடு செய்வது பற்றிப் பேசுவதாக அதிதி ராவ்வுக்குத் தெரியவந்துள்ளது.
இதையடுத்து அவர் தனது சமூக வலைத்தளப் பக்கத்தில் (இன்ஸ்டாகிராம்) இந்தப் பதிவு பற்றி விளக்கம் அளித்துள்ளார்.
“எனது டீம் மூலமாக மட்டுமே நான் இதுபோன்ற விஷயங்களைச் செய்கிறேன். தனிப்பட்ட எண்ணை (Personal Number) இதற்காகப் பயன்படுத்துவது இல்லை,” என்று அவர் தெளிவுபடுத்தியுள்ளார்.
“அது நான் இல்லை, அந்த எண்ணிடம் எச்சரிக்கையாக இருங்கள்,” என்று நடிகை அதிதி ராவ் இன்ஸ்டாகிராமில் பகிர்ந்துள்ளார்.
நடிகை அதிதி ராவ், நடிகர் சித்தார்த்தைக் காதலித்து கடந்த ஆண்டு திருமணம் செய்து கொண்டார். திருமணத்திற்குப் பிறகு அவர் கைவசம் பெரிய திரைப்படங்கள் எதுவும் இல்லை என்பது குறிப்பிடத்தக்கது.
தற்போது மோசடி நபர்கள் நடிகையின் பெயரைப் பயன்படுத்திப் புகைப்படத் துறையினரை ஏமாற்ற முயற்சிப்பது திரையுலகில் பரபரப்பை ஏற்படுத்தியுள்ளது.
