அதிரடி! – “விஜய்யை முதல்வராக ஏற்கும் கட்சியுடன் மட்டுமே கூட்டணி!” – த.வெ.க.

அதிரடி! – “விஜய்யை முதல்வராக ஏற்கும் கட்சியுடன் மட்டுமே கூட்டணி!” – த.வெ.க.வின் ‘மெகா’ அறிவிப்பு!

தமிழக வெற்றிக் கழகத்தின் (த.வெ.க.) மாநில நிர்வாகிகள் கூட்டத்தில் இன்று (டிசம்பர் 12) முக்கியத் தீர்மானங்கள் நிறைவேற்றப்பட்டுள்ளன. நடிகர் விஜய்யின் இந்த அதிரடி முடிவுகள், தமிழக அரசியல் களத்தில் பெரும் சலசலப்பை ஏற்படுத்தியுள்ளது!

கூட்டணிக்கு ஒரே நிபந்தனை!

ஊழல் நிறைந்த தி.மு.க. ஆட்சியை அகற்றி, புதிய தமிழகத்தை உருவாக்க வேண்டும் என்ற லட்சியத்துடன் த.வெ.க. இன்று நான்கு முக்கியத் தீர்மானங்களை நிறைவேற்றியுள்ளது:

• தீர்மானம் 1: ஊழல் மலிந்த தி.மு.க. ஆட்சியை அகற்றி, புதியதோர் தமிழகத்தை உருவாக்க, “நமது வெற்றித் தலைவர் விஜய்யை முதலமைச்சராக ஏற்றுக் கொண்டு, அவரின் தலைமையை விரும்பி வருவோரை மட்டுமே கூட்டணிக்கு அரவணைப்போம்!”

• கூட்டணி குறித்த அனைத்து இறுதி முடிவுகளையும் எடுக்கத் தலைவருக்கு முழு அதிகாரம் வழங்கி தீர்மானம் நிறைவேற்றப்பட்டுள்ளது.

விரைவில் நடைபெறவுள்ள சட்டமன்றத் தேர்தலுக்கான பணிகளைத் தீவிரப்படுத்தும் விதமாக, இரண்டு முக்கிய சிறப்புக் குழுக்களை அமைக்கத் தீர்மானிக்கப்பட்டுள்ளது:

• தீர்மானம் 2: “தேர்தல் கூட்டணி பேச்சுவார்த்தை சிறப்புக் குழு“ அமைக்கப்படுகிறது. இக்குழுவின் கடமைகள் குறித்துத் தலைவர் விஜய்யே முடிவெடுப்பார்.

• தீர்மானம் 3: “தேர்தல் வாக்குறுதிகள் உருவாக்கும் சிறப்புக் குழு” அமைக்கப்படுகிறது. இக்குழுவின் செயல்பாடுகள் குறித்தும் தலைவர் விஜய்யே முடிவெடுப்பார்.

• தீர்மானம் 4: அவதூறு பரப்பும் எதிரிகளின் பொய்யுரைகளைத் தோலுரித்து, அவர்களை எதிர்கொண்டு தோற்கடிக்க, ஒரு வலிமையான பரப்புரையை முன்னெடுக்கவும் த.வெ.க. தீர்மானம் நிறைவேற்றியுள்ளது.

விஜய் களத்தில்!

கரூர் கூட்டத்தில் நடந்த துரதிர்ஷ்டவசமான நெரிசல் சம்பவத்தால் சுமார் 72 நாட்கள் அமைதி காத்திருந்த விஜய், நேற்று முன்தினம் புதுச்சேரியில் மக்களைச் சந்தித்ததன் மூலம் மீண்டும் களத்திற்குத் திரும்பியுள்ளார். விரைவில் தமிழகம் முழுவதும் மக்கள் சந்திப்பு நிகழ்வுகளுக்குத் திட்டமிடப்பட்டு வருகிறது.