சர்வதேச குற்றவியல் நீதிமன்றம் (ICC) ஒரு வரலாற்று சிறப்புமிக்க விசாரணையைத் தொடங்கியுள்ளது! கடந்த இருபது ஆண்டுகளாக தலைமறைவாக இருக்கும் உகாண்டாவின் கொடூரமான கிளர்ச்சித் தலைவரான ஜோசப் கோனிக்கு எதிராக முதன்முறையாக அவர் இல்லாத நிலையில், நீதிமன்றம் விசாரணையைத் தொடங்கியுள்ளது.
‘லார்ட்ஸ் ரெசிஸ்டன்ஸ் ஆர்மி’ என்ற அவரது பயங்கரமான படைகள் நடத்திய கொலைவெறி தாக்குதல்களில் ஆயிரக்கணக்கான அப்பாவி மக்கள் பலியானார்கள். இதில், குழந்தைகளை கடத்தி அவர்களை போர் வீரர்களாகவும், பாலியல் அடிமைகளாகவும் பயன்படுத்திய குற்றச்சாட்டுகளும் அடங்கும்.
ஜோசப் கோனி 2005 முதல் தலைமறைவாக உள்ளார். அவரைப் பிடிக்க சர்வதேச அளவில் தேடுதல் வேட்டை நடந்து வருகிறது. இந்த நிலையில், அவர் எங்கு இருக்கிறார் என்பதைத் துல்லியமாக அறியாத நிலையில், ஐசிசி நீதிபதிகள் அவருக்கு எதிரான ஆதாரங்களை ஆராய இந்த துணிச்சலான முடிவை எடுத்துள்ளனர்.
இந்த விசாரணை, கோனிக்கு எதிரான குற்றச்சாட்டுகளுக்கு போதுமான வலுவான ஆதாரங்கள் உள்ளதா என்பதைத் தீர்மானிக்கும். குற்றச்சாட்டுகள் உறுதி செய்யப்பட்டால், கோனியை கைது செய்யும் முயற்சிகள் தீவிரப்படுத்தப்படும். ஒருவேளை, அவர் நேரில் ஆஜரானால் மட்டுமே அவருக்கு எதிரான வழக்கு தொடரப்படும்.
தலைமறைவான குற்றவாளிகளை சட்டத்தின் முன் நிறுத்துவதற்கு இது ஒரு புதிய வழிமுறையைத் திறக்கும் ஒரு அதிரடி நடவடிக்கை என்று கூறப்படுகிறது.
