சிரியாவின் அலாவைட் புறநகர்ப் பகுதிகள் தற்போது பெரும் பதற்றத்தில் உள்ளன. சிரியா ராணுவத்தின் புதிய சூழ்ச்சி வெளிச்சத்திற்கு வந்துள்ளது. வீடுகளின் சுவர்களில் ‘X’ மற்றும் ‘O’ குறியீடுகளைப் பயன்படுத்தி, மக்களை வெளியேற்றும் ரகசியத் திட்டம் அதிர்ச்சியை ஏற்படுத்தியுள்ளது.
இந்தக் குறியீடுகள் சிரியா ராணுவத்தால் உருவாக்கப்பட்டது. ‘X’ குறியீடு இடப்பட்ட வீடுகளின் உரிமையாளர்கள் அங்கேயே தங்கலாம். ஆனால் ‘O’ குறியீடு இடப்பட்டவர்கள், தங்கள் வீடுகளை விட்டு வெளியேற வேண்டும் என்று அர்த்தம். இந்தக் குறியீடுகளின் உண்மையான அர்த்தம் புரியாத அப்பாவிக் குடிமக்கள், பெரும் குழப்பத்திலும் பீதியிலும் உள்ளனர்.
சமீபத்தில், அலாவட் புறநகர்ப் பகுதிகளில் திடீரென ஒரு குழு நுழைந்து, உள்ளூர் மக்களை வீடுகளை விட்டு வெளியேறுமாறு மிரட்டியுள்ளது. இந்தக் குழுவுக்கு அரசாங்கத்தின் ஆதரவு இருப்பதாகக் கூறப்பட்டாலும், அது குறித்த அதிகாரபூர்வ தகவல்கள் எதுவும் வெளியாகவில்லை. இந்த வன்முறைச் சம்பவங்களால் பலர் தங்கள் உடமைகளை விட்டுவிட்டு, உயிர் பிழைப்பதற்காக வெளியேறி வருகின்றனர். சிலர், தங்கள் வீடுகளையும் பொருட்களையும் காப்பாற்ற போராடி வருகின்றனர்.
இந்த மர்மமான வெளியேற்றங்கள், நீண்டகாலமாக நிலவும் சொத்து தகராறுகளுடன் தொடர்புடையதாக இருக்கலாம் என்று நம்பப்படுகிறது. இந்த சம்பவம் குறித்து விசாரிக்க, அரசு ஒரு குழுவை அமைத்துள்ளதாகக் கூறப்படுகிறது. ஆனால், பாதிக்கப்பட்ட மக்கள் அரசின் வாக்குறுதிகளை நம்பத் தயாராக இல்லை. இந்த மர்மமான குறியீடுகள், சிரியாவின் எதிர்காலத்தை நிச்சயமற்றதாக்கியுள்ளன.
