மெக்சிகோவின் பசிபிக் கடற்பரப்பில் திடீரென ஒரு சக்திவாய்ந்த வெப்பமண்டல புயல் உருவாகியுள்ளது. ‘மாரியோ’ என பெயரிடப்பட்ட இந்த புயல், மணிக்கு 64 கி.மீ. வேகத்தில் பயங்கரமாகச் சுழன்று, நிலத்தை நோக்கி வேகமாக நகர்ந்து கொண்டிருக்கிறது.
கண் இமைக்கும் நேரத்தில் நிலைமை மோசமாக மாறி வருகிறது. இந்த புயல், பலத்த காற்றுடன் கூடிய கனமழை மற்றும் கோரமான திடீர் வெள்ளப்பெருக்கை ஏற்படுத்தும் என்று வானிலை ஆய்வாளர்கள் எச்சரிக்கை விடுத்துள்ளனர்.
தற்போது, இந்த புயல் மெக்சிகோவின் சிஹுவாடானெஜோவிற்கு தென்மேற்கே 64 கி.மீ. தொலைவிலும், லாசரோ கார்டெனாஸுக்கு தென்கிழக்கே 97 கி.மீ. தொலைவிலும் மையம் கொண்டுள்ளது.
மிகோகான் மாகாணத்தின் பல பகுதிகளுக்கு புயல் எச்சரிக்கை விடுக்கப்பட்டுள்ளது. மக்கள் தங்கள் உயிரைக் காப்பாற்றிக்கொள்ள உடனடியாகப் பாதுகாப்பான இடங்களுக்குச் செல்லுமாறு அவசர உத்தரவு பிறப்பிக்கப்பட்டுள்ளது. மெக்சிகோ மக்கள் பெரும் பீதியில் உறைந்து போயுள்ளனர். அடுத்த சில மணி நேரங்களில் என்ன நடக்குமோ என்ற அச்சம் மக்கள் மனதில் பரவி வருகிறது.
