உலகையே அதிரவைத்த விண்வெளி சாகச வீரர் ஃபெலிக்ஸ் பாம்கார்ட்னர், இத்தாலியில் பாராகிளைடிங் விபத்தில் உயிர்பிரிந்த அதிர்ச்சித் தகவல் வெளியாகியுள்ளது. ஆனால், அதைவிட அதிர்ச்சி என்னவென்றால், அவர் தரையில் விழுவதற்கு முன்னரே உயிரிழந்திருக்கலாம் என்ற தகவல்கள் வெளியாகி ஒட்டுமொத்த சாகச உலகத்தையும் உலுக்கியுள்ளன!
நேற்று மாலை 4 மணியளவில் போர்ட்டோ சாண்ட்’எல்பிடியோவில் நடந்த இந்த கோர விபத்து, பல கேள்விகளை எழுப்பியுள்ளது. புறப்படுவதற்கு முன்பே ஃபெலிக்ஸ் பாம்கார்ட்னர் உடல்நலம் குன்றியிருந்ததாகவும், பாராகிளைடரின் கட்டுப்பாட்டை இழந்ததாகவும் கூறப்படுகிறது. ஆனால், சில தகவல்கள், அவர் காற்றில் பறக்கும்போதே மாரடைப்பு ஏற்பட்டிருக்கலாம் என்றும், அதுவே இந்த மரணத்திற்குக் காரணம் என்றும் கூறுகின்றன!
வெகுஜனங்கள் நிறைந்த ஒரு ஹோட்டல் நீச்சல் குளத்தில் அவரது பாராகிளைடர் பயங்கரமாக மோதி தரையில் விழுந்துள்ளது. அப்போது, அங்கு நின்றிருந்த ஒரு பெண் மீது பாம்கார்ட்னர் மோதியுள்ளார். எனினும், நீச்சல் குளத்தில் விளையாடிக் கொண்டிருந்த ஏராளமான குழந்தைகள் மயிரிழையில் உயிர் தப்பியுள்ளன. காயமடைந்த பெண் மருத்துவமனையில் அனுமதிக்கப்பட்ட நிலையில், அவரது காயங்கள் தீவிரமானவை அல்ல என்று கூறப்படுகிறது.
“அவர் தரையில் விழுந்தபோது இறந்தவராக இருந்தார்!” – இத்தாலி தீயணைப்புத் துறையின் இந்த வாசகம் பெரும் பரபரப்பை ஏற்படுத்தியுள்ளது. காற்றில் பறக்கும்போதே அவர் சுயநினைவை இழந்து, பின்னர் மாரடைப்பு ஏற்பட்டிருக்கலாம் என்ற சந்தேகத்தை இது வலுப்படுத்துகிறது.
2012-ஆம் ஆண்டு விண்வெளியின் விளிம்பில் இருந்து 39 கிலோமீட்டர் உயரத்தில் இருந்து குதித்து உலக சாதனையைப் படைத்து அனைவரையும் மிரள வைத்தவர் ஃபெலிக்ஸ் பாம்கார்ட்னர். அத்தகைய ஒரு துணிச்சலான வீரரின் மரணம், அதுவும் தரையைத் தொடுவதற்கு முன்னரே அவரது உயிர் பிரிந்தது என்ற செய்தி, உலகெங்கிலும் உள்ள அவரது ரசிகர்களையும், சாகச ஆர்வலர்களையும் பெரும் அதிர்ச்சியில் ஆழ்த்தியுள்ளது. இந்த விபத்துக்கான உண்மையான காரணம் குறித்து இத்தாலி அதிகாரிகள் தீவிர விசாரணை நடத்தி வருகின்றனர்.