ஆபாச நட்சத்திரம் செய்த ‘இரத்தக் கறை படிந்த சூட்கேஸ்’ இரட்டை கொலை: அதிர்ச்சி தரும் பின்னணி!
கொலம்பியாவைச் சேர்ந்த ஆபாச நடிகரான யோஸ்டின் ஆண்ட்ரெஸ் மொஸ்கெரா (Yostin Andres Mosquera) நிகழ்த்திய படுபயங்கரமான இரட்டைக் கொலைச் சம்பவம், இங்கிலாந்தையே உலுக்கியுள்ளது. இந்த கொலையில் பல அதிர்ச்சியூட்டும் தகவல்கள் வெளியாகி உள்ளன.
கொலை செய்யப்பட்டவர்கள் பிரிட்டிஷ் தம்பதியான பால் லாங்வொர்த் (Paul Longworth, 71) மற்றும் ஆல்பர்ட் அல்போன்சோ (Albert Alfonso, 62) ஆவர்.
கொடூரமான இரட்டைக் கொலையின் மர்மங்கள்:
- கொலையாளியின் ஆட்டம்: நீதிமன்றத்தில் ஆபாச நடிகராக அறியப்பட்ட மொஸ்கெரா, தம்பதியைக் கொன்ற பிறகு, அவர்களின் அடுக்குமாடி குடியிருப்பில் பாட்டுப் பாடி நடனமாடும் வீடியோ ஒன்றை எடுத்ததாக அரசுத் தரப்பு வழக்கறிஞர்கள் தெரிவித்தனர். இந்தக் கொடூரச் செயல் “மோசமான நடத்தை” என்று வர்ணிக்கப்பட்டது.
- மரணத்தின் கோர முகம்: லண்டனின் ஷெப்பர்ட்ஸ் புஷ் பகுதியில் உள்ள குடியிருப்பில் 2024 ஜூலையில் இந்தக் கொலைகள் நடந்தன.
- லாங்வொர்த், தலையின் பின்புறத்தில் சுத்தியலால் தாக்கப்பட்டதில் உயிரிழந்தார்.
- அல்போன்சோ, பல கத்திக்குத்து காயங்களுடன் இறந்து கிடந்தார்.
- கொலையாளி இருவரின் உடல்களையும் துண்டு துண்டாக வெட்டி, தலையைத் தனியாக ஒரு ஃப்ரீசரில் மறைத்து வைத்துள்ளார்.
ரத்தம் கசிந்த சூட்கேஸும், சிக்கிய கொலையாளியும்:
- சாட்சியின் வாக்குமூலம்: கொலை நடந்த இடத்தில் இருந்து சுமார் 160 கி.மீ. தொலைவில் உள்ள பிரிஸ்டல் நகரில் உள்ள கிளிஃப்டன் சஸ்பென்ஷன் பாலத்தில் நள்ளிரவில் மொஸ்கெரா இரண்டு பெரிய சூட்கேஸ்களுடன் காணப்பட்டார்.
- அப்போது சைக்கிளில் வந்த ஒருவர், அவர் வழிதவறிய பயணி என்று நினைத்து அணுகினார். சூட்கேஸ்களில் “வாகன பாகங்கள்” இருப்பதாக மொஸ்கெரா கூறினார்.
- ஆனால், அந்தச் சாட்சி ஒரு சூட்கேஸில் இருந்து இரத்தம் கசிவதைக் கவனித்ததால், உடனடியாகப் போலீஸாருக்கு தகவல் அளித்தார்.
- போலீஸார் வந்து சூட்கேஸ்களைத் திறந்தபோது, அதனுள் துண்டு துண்டாக்கப்பட்ட சடலங்களைக் கண்டு அதிர்ச்சியடைந்தனர்.
முன் திட்டமிட்ட கொலை:
மொஸ்கெரா, ஆத்திரத்தில் ஏற்பட்ட கொலையாகக் கூறி, மரணத்தை விளைவித்த குற்றத்தை (manslaughter) ஒப்புக்கொள்ள முயன்றார். ஆனால், அவர் கொலை செய்வதற்கு முன்பே ‘ஃப்ரீசர் வாங்குவது’ குறித்து இணையத்தில் தேடியதற்கான ஆதாரங்களை போலீசார் கண்டுபிடித்தனர். இது கொலையை முன் கூட்டியே திட்டமிட்டதற்கான வலுவான ஆதாரமாக நீதிமன்றத்தில் நிரூபிக்கப்பட்டது.
இந்த கொடூரமான இரட்டை கொலைகளுக்காக மொஸ்கெரா தற்போது தண்டிக்கப்பட்டுள்ளார்.