அமெரிக்க அரசியலில் மிகப்பெரிய அதிர்ச்சி அலைகளை ஏற்படுத்தியிருக்கும் ஒரு முக்கிய நகர்வாக, முன்னாள் FBI இயக்குநர் ஜேம்ஸ் கோமி (James Comey) மற்றும் நியூயார்க் அட்டர்னி ஜெனரல் லெட்டிஷியா ஜேம்ஸ் (Letitia James) ஆகியோரின் வழக்கறிஞர்கள், தங்கள் மீதான கிரிமினல் வழக்குகளை உடனடியாக ரத்து செய்யக் கோரி ஃபெடரல் நீதிபதியிடம் பீரங்கித் தாக்குதல் (பிரஸ்ஸிங்) போன்ற மனுக்களைத் தாக்கல் செய்துள்ளனர்!
வழக்குகள் ரத்து செய்யப்பட வேண்டும் என்பதற்கான அடிப்படைக் காரணம், இந்த வழக்குகளைப் பதிவு செய்த லிண்ட்சே ஹாலிகன் (Lindsey Halligan) என்ற ட்ரம்ப்பால் நியமிக்கப்பட்ட இடைக்கால வழக்கறிஞரின் நியமனமே முற்றிலும் சட்டவிரோதமானது என்று அவர்கள் வாதிடுகிறார்கள்!
ஃபெடரல் சட்டத்தின்படி, அட்டர்னி ஜெனரல், இடைக்கால வழக்கறிஞரை 120 நாட்களுக்கு மட்டுமே நியமிக்க முடியும். ஆனால், இந்தப் புதிய நியமனம் அந்தச் சட்டத்தை மீறுவதாகவும், இதன் மூலம் செனட் ஒப்புதல் செயல்முறையை ட்ரம்ப் நிர்வாகம் bypass செய்வதாகவும் கோமி மற்றும் ஜேம்ஸின் வழக்கறிஞர்கள் குற்றம் சாட்டுகின்றனர்.
சட்டவிரோதமாக நியமிக்கப்பட்ட ஒருவரால் பதிவு செய்யப்பட்டதால், கோமி மற்றும் ஜேம்ஸ் மீதான குற்றப்பத்திரிகைகள் அனைத்தும் செல்லாதவை (A Nullity) என்று வாதிடப்படுகிறது!
இந்த வழக்குகளை ரத்து செய்யக் கோரி மேலும் ஒரு சக்திவாய்ந்த வாதத்தை அவர்கள் முன்வைத்துள்ளனர்:
ட்ரம்ப்பின் தனிப்பட்ட பகை மற்றும் பழிவாங்கும் எண்ணத்துடன், அதிகாரத்தை அப்பட்டமாகத் துஷ்பிரயோகம் செய்ததன் மூலம் இந்த வழக்குகள் தூண்டப்பட்டுள்ளன என்று வழக்கறிஞர்கள் கூறுகின்றனர்
மேலும் அதிர்ச்சித் தகவலாக, ட்ரம்ப்பின் விமர்சகர்கள் மீது வழக்குத் தொடுக்கும் அளவுக்கு ஆதாரம் இல்லை என்று தொழில்முறை வழக்கறிஞர்கள் முன்பு தெரிவித்ததாகவும், அதனால்தான் முந்தைய இடைக்கால வழக்கறிஞர் மாற்றப்பட்டு, ட்ரம்ப்பின் தனிப்பட்ட உதவியாளரான ஹாலிகன் அவசரமாக நியமிக்கப்பட்டதாகவும் கூறப்படுகிறது!
அதிபர் ட்ரம்ப், தனது அரசியல் எதிரிகளைப் பகிரங்கமாகக் குற்றவளி எனக் கூறி, சமூக ஊடகங்களில் வழக்குத் தொடுக்குமாறு அட்டர்னி ஜெனரலைத் தூண்டியதற்கான ஆதாரங்களையும் இந்த மனுக்கள் எடுத்துக்காட்டுகின்றன.
நவம்பர் 20-க்குள் இந்த நியமனம் தொடர்பான வழக்கில் நீதிபதி தீர்ப்பளிப்பார் என்று எதிர்பார்க்கப்படுவதால், அமெரிக்க நீதித்துறை வட்டாரத்தில் பெரும் பதற்றம் நிலவுகிறது!