டிரம்ப் – சல்மான் மாஸ்டர் பிளான்! உலகையே அதிர வைத்த ஒப்பந்தம்! $1 ட்ரில்லியன் கொடை

 உலகையே அதிர வைத்த ஒப்பந்தம்! அமெரிக்காவுக்கு சவூதி அரேபியா $1 ட்ரில்லியன் கொடை! டிரம்ப் – சல்மான் மாஸ்டர் பிளான்!

சவூதி அரேபியா, அமெரிக்காவில் கிட்டத்தட்ட 1 ட்ரில்லியன் டாலர் (சுமார் $1,000 பில்லியன்) அளவுக்கு முதலீடு செய்ய உறுதியளித்துள்ளதாக அமெரிக்க வெள்ளை மாளிகை அறிவித்துள்ளது!

சவூதி பட்டத்து இளவரசர் முகமது பின் சல்மான் இந்த வாரம் வாஷிங்டனுக்கு மேற்கொண்ட பயணத்தின்போது, அமெரிக்க அதிபர் டொனால்ட் டிரம்ப்புடன் நடைபெற்ற வரலாற்றுச் சிறப்புமிக்க சந்திப்பு மற்றும் விருந்துக்குப் பிறகு இந்த “சாதனை” பொருளாதார மற்றும் மூலோபாய ஒப்பந்தங்கள் கையெழுத்தாகியுள்ளன.

சவூதி அரேபியாவை அமெரிக்காவின் “முக்கியமான நேட்டோ அல்லாத நட்பு நாடாக” (Major Non-NATO Ally) அதிபர் டொனால்ட் டிரம்ப் அறிவித்துள்ளார்.

வெள்ளை மாளிகை செவ்வாயன்று வெளியிட்ட அறிக்கையில், இந்த ஒப்பந்தங்கள் டிரம்ப் மே மாதம் ரியாத்துக்கு மேற்கொண்ட “மிகவும் வெற்றிகரமான” பயணத்தை அடிப்படையாகக் கொண்டவை எனக் குறிப்பிடப்பட்டுள்ளது. இதில்:

• முதலீட்டு உறுதி: அமெரிக்க உள்கட்டமைப்பு, தொழில்நுட்பம் மற்றும் தொழில்துறையில் சவூதி அரேபியா சுமார் $1 ட்ரில்லியன் முதலீடு செய்ய உறுதியளித்துள்ளது. இது மே மாதம் முதலில் உறுதியளிக்கப்பட்ட $600 பில்லியன் தொகையை விடப் பல மடங்கு அதிகம்.
• பிரம்மாண்ட பாதுகாப்பு ஒப்பந்தம்: அதிபர் டிரம்ப், சவூதி அரேபியாவுக்கான ஒரு பெரிய பாதுகாப்புப் பொதிக்கு ஒப்புதல் அளித்துள்ளார். இதில் எதிர்காலத்தில் F-35 ஜெட் விமானங்கள் வழங்குவது மற்றும் கிட்டத்தட்ட 300 அமெரிக்க டாங்கிகளை வாங்குவது ஆகியவை அடங்கும்.
• அணுசக்தி மற்றும் AI ஒத்துழைப்பு: அணுசக்தி ஒத்துழைப்பு குறித்த கூட்டுப் பிரகடனம், முக்கியமான கனிமங்கள் ஒப்பந்தம், மற்றும் அமெரிக்க அமைப்புகளுக்கான அணுகலை சவூதிக்கு வழங்கும் செயற்கை நுண்ணறிவு (AI) ஒப்பந்தம் போன்றவையும் இந்த ஒப்பந்தங்களில் கையெழுத்திடப்பட்டுள்ளன.

இந்த மெகா ஒப்பந்தம், மத்திய கிழக்கில் மட்டுமின்றி உலக அரங்கிலும் அமெரிக்கா மற்றும் சவூதி அரேபியாவின் உறவை புதிய உச்சத்திற்குக் கொண்டு சென்றுள்ளதுடன், பொருளாதார மற்றும் இராணுவ சமநிலையை மாற்றியமைக்கும் என சர்வதேச நிபுணர்கள் கருதுகின்றனர்.