லோகேஷ் கனகராஜ் இயக்கத்தில் சூப்பர்ஸ்டார் ரஜினிகாந்த் நடிப்பில் பிரம்மாண்டமாக உருவாகி வரும் திரைப்படம் ‘கூலி’. சன் பிக்சர்ஸ் நிறுவனம் தயாரிக்கும் இப்படத்திற்கு அனிருத் இசையமைக்கிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது.
‘கூலி’ படத்தில் நாகர்ஜுனா, உபேந்திரா, ஸ்ருதி ஹாசன், சத்யராஜ், சோபின் ஷபீர் என ஒரு பெரிய நட்சத்திரப் பட்டாளமே நடித்துள்ளது. மேலும், பூஜா ஹெக்டே ‘மோனிகா’ என்ற ஒரே ஒரு பாடலுக்கு சிறப்பு நடனம் ஆடியுள்ளார். இந்த பாடல் நேற்று வெளியாகி ரசிகர்களிடையே பெரும் வரவேற்பைப் பெற்றது.
இந்நிலையில், ‘கூலி’ படத்தில் முக்கிய கதாபாத்திரத்தில் நடிக்கும் ஸ்ருதி ஹாசன் சமீபத்தில் அளித்த நேர்காணல் ஒன்றில் ரஜினிகாந்த் குறித்துப் பேசியுள்ள விஷயங்கள் இணையத்தில் வைரலாகி வருகின்றன.
அதில் அவர், “என் அப்பாவும் ரஜினிகாந்த் சாரும் தமிழ் சினிமாவின் இரண்டு தூண்கள். ரஜினி சார் கத்தியைப் போல கூர்மையானவர். அவர் மிகவும் புத்திசாலி, அன்பானவர் மற்றும் மிகவும் கூலானவர். அவருடன் பணிபுரிவதில் எனக்கு மிகவும் மகிழ்ச்சி” என்று நெகிழ்ச்சியுடன் தெரிவித்துள்ளார்.
ஸ்ருதி ஹாசனின் இந்த உருக்கமான பாராட்டு, ரஜினிகாந்த் ரசிகர்கள் மத்தியில் மகிழ்ச்சியை ஏற்படுத்தியுள்ளதுடன், ‘கூலி’ படத்தின் மீதான எதிர்பார்ப்பையும் மேலும் அதிகரித்துள்ளது.
