தமிழகத்தில் தனியார் நிறுவனங்களிடமிருந்து மின்சாரம் கொள்முதல் செய்வதில் பெரும் முறைகேடுகள் நடைபெற்று வருவதாகக் நாம் தமிழர் கட்சியின் சாட்டை துரைமுருகன் தெரிவித்துள்ளார். மதுரையை மையமாகக் கொண்டு இயங்கும் ‘முஸ்தபா’ என்பவரின் பின்னணியில் இந்த லஞ்சப் பரிவர்த்தனைகள் நடைபெறுவதாகவும், 1 யூனிட் மின்சாரக் கொள்முதலுக்கு ரூ.4 வீதம் தவெக அமைச்சர்களுக்கு லஞ்சமாகச் செல்வதாகவும் அவர் குற்றம் சாட்டியுள்ளார். மின்சாரத் துறை அமைச்சர் சி.டி.ஆர். நிர்மல் குமார் உள்ளிட்ட முக்கியப் பொறுப்பாளர்கள் இதில் ஈடுபட்டுள்ளதாக அவர் தனது அறிக்கையில் குறிப்பிட்டுள்ளார்.
சமீபத்தில் திறந்தவெளி சந்தையில் அதிக விலைக்கு மின்சாரம் வாங்கப்பட்ட விவகாரம் தொடர்பாகவும், அதில் நடந்துள்ள நிதி முறைகேடுகள் குறித்தும் அவர் அடுக்கடுக்கான கேள்விகளை எழுப்பியுள்ளார். அரசு மின் உற்பத்தி நிலையங்களின் திறனைக் குறைக்காமல், வெளிச்சந்தையில் அதிக விலைக்கு மின்சாரத்தை வாங்குவது ஏன் என்றும் அவர் வினவியுள்ளார். மக்கள் பணத்தைக் கொள்ளையடிக்கும் இந்த லஞ்சக் குற்றச்சாட்டுகள் குறித்து உடனடியாக சுதந்திரமான விசாரணை ஆணையம் அமைத்து ஆய்வு செய்ய வேண்டும் என்றும் அவர் வலியுறுத்தியுள்ளார்.
சாட்டை துரைமுருகனின் இந்த லஞ்சக் குற்றச்சாட்டு ஆளுங்கட்சியான தவெக வட்டாரத்திலும் அரசியல் தளத்திலும் பெரும் சலசலப்பை ஏற்படுத்தியுள்ளது.
மின்சாரத் துறை மீதான இந்தக் ஊழல் குற்றச்சாட்டுகள் குறித்து தமிழக அரசு மற்றும் தவெக தலைமை விரைவில் தங்களது அதிகாரப்பூர்வ விளக்கத்தை அளிக்கும் என எதிர்பார்க்கப்படுகிறது.
