இயக்குனர் ஸ்ரீ செந்தில் இயக்கத்துல பரத், கிஷோர்னு ஒரு பெரிய பட்டாளமே நடிச்சு ரிலீஸ் ஆகியிருக்கிற ‘காலிதாஸ் 2’ படத்தை பார்த்தா, இது இன்வெஸ்டிகேஷன் திரில்லரா இல்ல ‘காமெடி’ படமான்னு டவுட் வருதுப்பா. ஒரு பல நூறு வீடு, இருக்கிற அப்பார்ட்மென்ட்ல நியூ இயர் பார்ட்டில ஒரு குழந்தையை காணோம்னு ஆரம்பிக்கிற கதை, அப்படியே மெதுவா ஊர்ந்து போகுது. படத்துல வர்ற அந்த ஏசி இன்ஸ்பெக்டர் மேடம் பண்ற பெர்ஃபாமன்ஸ் இருக்கே… அந்த காலத்து ஸ்கூல் மாறுவேடப் போட்டியில வர்ற போலீஸ் கெட்டப் மாதிரி இருக்குன்னு ஒரே ஓட்டு ஓட்டுறாங்க. மர்மத்தை கண்டுபிடிக்கிறத விட்டுட்டு, தியேட்டர்ல சிம்ரன் பாட்டை பார்த்துட்டு போலீஸே ரூட் விடுறதெல்லாம் வேற லெவல் அக்ரோஷம்!
படத்துல கிஷோரைக் காட்டுறப்போ ஏதோ பயங்கரமான ராவ் அண்ட் ரஸ்டிக் வில்லன் மாதிரி சீன் போடுறாங்க. ஆனா, ராத்திரி 12 மணிக்கு கசாப்புக் கடையில உட்கார்ந்து அஞ்சு ஆறு பேர் கறி வெட்டிக்கிட்டு இருக்காங்க. யாருக்கு விக்கப்போறாங்கன்னு தெரியல, ஒருவேளை பேய்களுக்கு பார்சல் போடுறாங்களோ என்னவோ? அந்த இடத்துக்கு ஹீரோ பரத் போறப்போ ஏதோ கேண்டில் லைட் டின்னருக்கு போன மாதிரி ஒரு ஃபீல் வருது. படத்தோட நாலாவது நிமிஷத்துலயே யாரு கொலைகாரன்னு நமக்கு ‘பல்ப்’ எரியுது, ஆனா படத்துல இருக்குற போலீஸ்க்கு மட்டும் கடைசி வரைக்கும் அந்த பல்ப் எரியவே மாட்டேங்குது. இதையெல்லாம் பார்த்துட்டு தியேட்டர்ல இருக்குற ஆடியன்ஸ் “எங்களை விட்ருப்பா சாமி”ன்னு தலையில துண்டை போட்டுட்டு கிளம்புறாங்க.
எல்லாத்துக்கும் மேல ஒரு பெரிய கொடுமை என்னன்னா, இந்த படத்தை முடிக்கும்போது பார்ட் 3-க்கு ஒரு லீடு வேற கொடுத்திருக்காங்க. இவங்க தைரியத்தை பார்த்தா நமக்கே உடம்பு எல்லாம் சிலிர்க்குது! “நாங்க தான் உசாரா இருந்துக்கணும்”னு ரிவ்யூவர் சொன்ன மாதிரி, பார்ட் 3-க்கு டிக்கெட் எடுக்குறதுக்கு முன்னாடி எல்லாரும் ஒரு தடவைக்கு பத்து தடவை யோசிக்கிறது நல்லது. மொத்தத்துல இந்த ‘காலிதாஸ் 2’ விசாரணைங்கிற பேர்ல நம்ம பொறுமையை ரொம்பவே சோதிக்குது. மொக்க சீன்களும், லாஜிக் இல்லாத ட்விஸ்டுகளும் சேர்ந்து படத்தை ஒரு வழி பண்ணிடுச்சு.
