‘லப்பர் பந்து’ பட இயக்குனர் தமிழரசன் பச்சமுத்து இயக்கத்தில் நடிக்க இருக்கும் தனுஷ், தனக்கு ஜோடியாக ருக்மணி வசந்த தேவை என்று கூறிய விடையம் கோடம்பாக்கம் ஏரியாவில் பரபரப்பாக பேசப்பட்டு வருகிறது. பொதுவாக இயக்குனர், மற்றும் தயாரிப்பு நிறுவனமே நடிகைகளை தெரிவு செய்வது வழக்கம், ஆனால் தனுஷ் போன்ற சில நடிகர்கள் மட்டுமே தனக்கு ஜோடியாக யார் வேண்டும் என்று கூறி அடம் பிடிப்பது வழக்கம். அந்த வகையில் தற்போது ருக்மணி, இது என்ன காம்பினேஷன் என்று தெரியவில்லை.
தனுஷின் 56-வது படமாக (D56) உருவாகவுள்ள இந்தப் படம், ‘லப்பர் பந்து’ புகழ் தமிழரசன் பச்சமுத்துவின் இயக்கத்தில் தனுஷ் இணையும் முதல் படமாகும். கன்னட சினிமாவில் ‘சப்த சாகரதாச்சே எல்லோ’ மற்றும் ‘காந்தாரா: சாப்டர் 1’ (Kantara: Chapter 1) போன்ற படங்கள் மூலம் ரசிகர்களின் மனதைக் கவர்ந்த ருக்மணி வசந்த், தற்போது தனுஷுடன் ஜோடி சேருவது உறுதியாகியுள்ளது. தமிழ் ரசிகர்களிடையே ஏற்கனவே ருக்மணிக்கு நல்ல வரவேற்பு இருக்கும் நிலையில், தனுஷின் இந்தத் தேர்வு சமூக வலைதளங்களில் பெரிய விவாதத்தை ஏற்படுத்தியுள்ளது.
இந்தப் படத்தில் தனுஷுக்கு வில்லனாக ‘உறியடி’ புகழ் விஜயகுமார் நடிக்கப் போவதாகத் தகவல்கள் வெளியாகியுள்ளன. மேலும், நீண்ட இடைவேளைக்குப் பிறகு தனுஷ் படத்திற்கு அனிருத் இசையமைக்க பேச்சுவார்த்தை நடந்து வருவதாகக் கூறப்படுகிறது. ‘டி55’ படத்தில் சாய் பல்லவி, ஸ்ரீலீலா எனப் பெரிய நட்சத்திரப் பட்டாளமே இணைந்துள்ள நிலையில், ‘டி56’ படத்தில் ருக்மணி வசந்தை தனுஷ் கட்டாயமாகத் தேர்ந்தெடுத்திருப்பது படத்தின் மீதான எதிர்பார்ப்பை எகிற வைத்துள்ளது.
கோலிவுட் வட்டாரத்தில் தனுஷின் இந்த முடிவு பலரது புருவங்களை உயர்த்தியுள்ளது. பொதுவாக புதுமுக இயக்குனர்களுக்கு வாய்ப்பு தரும் தனுஷ், அதில் தனது ஆதிக்கம் இருக்க வேண்டும் என்பதில் உறுதியாக இருப்பார் எனப் பேசப்படுகிறது. ருக்மணி வசந்த் போன்ற ஒரு திறமையான நடிகையை தனுஷ் பிடிவாதமாகத் தேர்வு செய்திருப்பதன் பின்னணியில் ஒரு பலமான காதல் கதையோ அல்லது அழுத்தமான கதாபாத்திரமோ இருக்கலாம் என எதிர்பார்க்கப்படுகிறது. விரைவில் இது குறித்த அதிகாரப்பூர்வ அறிவிப்பை படக்குழு வெளியிடும் எனத் தெரிகிறது.
