அமெரிக்காவின் உளவு அமைப்பான CIA (மத்திய புலனாய்வு முகமை), உலகம் முழுவதும் உள்ள கோடிக்கணக்கான மக்களின் மரபணு (DNA) விவரங்களை ரகசியமாக திருடி, அதற்குள் மறைந்திருக்கும் “வேற்றுக்கிரக இரத்தத்தை” (Alien Bloodlines) தேடி வருவதாக வெளிவந்துள்ள அதிரடிப் புகார் ஒட்டுமொத்த உலகையும் உலுக்கியுள்ளது. ‘Ancestry’ மற்றும் ’23andMe’ போன்ற முன்னணி மரபணு பரிசோதனை நிறுவனங்களின் பின்னணித் தரவுகளை (Backdoor access) CIA சட்டவிரோதமாகப் பயன்படுத்தி வருவதாகக் கூறப்படுகிறது. சாதாரண மனிதர்களைப் போல பூமிக்குள் ஊடுருவி வாழும் ஏலியன்களைக் கண்டறிந்து வேட்டையாடுவதே இந்த ரகசியத் திட்டத்தின் நோக்கம் எனத் தெரிவிக்கப்பட்டுள்ளது பெரும் பரபரப்பை ஏற்படுத்தியுள்ளது.
பிரபல தத்துவஞானியும் அறிவியல் புனைகதை எழுத்தாளருமான ஜேசன் ரெசா ஜோர்ஜானி (Jason Reza Jorjani), ‘அமெரிக்கன் அல்கெமி’ என்ற போட்காஸ்டில் இந்த அதிர வைக்கும் உண்மைகளை உடைத்துள்ளார். அமெரிக்க ராணுவத்தில் ‘மனோரீதியான உளவுத்துறை அதிகாரியாக’ (Psychic Spy) பணியாற்றி ஓய்வு பெற்ற லின் புகேனன் என்பவர் மூலமாக தனக்கு இந்த ரகசியங்கள் தெரியவந்ததாக அவர் குறிப்பிட்டுள்ளார். அமெரிக்க அரசு மனித இனம் அல்லாத வேற்று உயிரினங்களின் மரபணுக்களைத் தேடி தீவிரமான தேடுதல் வேட்டையில் ஈடுபட்டுள்ளது என்பதை அந்த ராணுவ அதிகாரி உறுதிப்படுத்தியுள்ளார்.
குறிப்பாக, ‘நார்டிக்ஸ்’ (Nordics) என்று அழைக்கப்படும் விண்வெளி ஏலியன் இனத்தின் மரபணுத் தொடர்பைக் கொண்ட மனிதர்களைக் குறிவைத்தே இந்த தேடுதல் நடப்பதாக ஜோர்ஜானி குற்றம் சாட்டியுள்ளார். இந்த நார்டிக்ஸ் ஏலியன்கள் பார்ப்பதற்கு ஸ்காண்டிநேவிய மக்களைப் போல, மிக உயரமாகவும், பொன்னிற தலைமுடி, நீல நிற கண்கள் மற்றும் வெண்மையான தோலமைப்புடனும் மனித உருவிலேயே உலவுவதாகக் கூறப்படுகிறது. இவர்களின் கலப்பு மரபணு டிஎன்ஏ சோதனைகளில் சாதாரண மனிதப் பண்புகளுடன் ஒத்துப்போகாமல், ‘அடையாளம் காண முடியாதவை’ (Unknown Unidentifiable) அல்லது ‘இதர’ (Other) பிரிவுகளில் வகைப்படுத்தப்படுவதை வைத்தே CIA இவர்களைக் கண்டறிகிறது.
அமெரிக்க ராணுவ அதிகாரி புகேனன், இந்த நார்டிக்ஸ் ஏலியன்கள் தன்னை நேரடியாகத் தொடர்பு கொண்டு பேசியதாக ஒரு அதிரடித் தகவலையும் பகிர்ந்துள்ளார். மனித-ஏலியன் கலப்பின மக்களை (Alien-Human Hybrids) சிஐஏ தீவிரமாகக் கண்காணித்து வேட்டையாட முயல்வதை தாங்கள் அறிந்து வைத்துள்ளதாகவும், தங்களைக் காப்பாற்றிக் கொள்ள புகேனனின் உதவியை அவர்கள் நாடியதாகவும் அவர் கூறியுள்ளார். பென்டகன் மற்றும் அமெரிக்க பாதுகாப்புத் துறை வேற்றுக்கிரகவாசிகள் இருப்பதற்கான எந்த ஆதாரமும் இல்லை என்று தொடர்ந்து மறுத்து வரும் நிலையில், மரபணு சோதனைகள் மூலம் அரங்கேறும் இந்த ரகசிய வேட்டை விண்வெளி ஆர்வலர்களிடையே பெரும் அதிர்ச்சியை ஏற்படுத்தியுள்ளது.
