வெளியானது 'ஜனநாயகன்' முதல் விமர்சனம்: பொங்கல் வசூல் வேட்டைக்குத் தயாராகும் விஜய்!

விஜய்யின் ‘ஜனநாயகன்’ திரைப்படத்தின் மீதான எதிர்பார்ப்பு அதிகரித்துள்ள நிலையில், வெளியாகி இருக்கும் முதல் விமர்சனம் 

'ஜனநாயகன்' முதல் விமர்சனம்: திரையரங்கு உரிமையாளர்கள் உற்சாகம் - பொங்கல் வசூல் வேட்டைக்குத் தயாராகும் விஜய்!

தமிழ் திரையுலகின் வசூல் சக்கரவர்த்தியாகத் திகழும் நடிகர் விஜய், தனது சினிமா பயணத்திற்கு விடை கொடுத்துவிட்டு முழுநேர அரசியலில் களமிறங்கியுள்ளார். தமிழக வெற்றிக் கழகத்தின் தலைவராகப் பொறுப்பேற்றுள்ள அவர் நடிக்கும் கடைசித் திரைப்படம் 'ஜனநாயகன்' என்பதால், உலகெங்கிலும் உள்ள சினிமா ரசிகர்களிடையே இந்தப் படத்திற்கு வரலாறு காணாத எதிர்பார்ப்பு நிலவி வருகிறது. வரும் 2026 பொங்கல் திருநாளை முன்னிட்டு ஜனவரி 9-ஆம் தேதி இப்படம் உலகம் முழுவதும் வெளியாக உள்ளது.

வழக்கமாகவே விஜய்யின் படங்கள் மிகப்பெரிய வசூல் சாதனைகளை நிகழ்த்தும். தற்போது இது அவரது இறுதித் திரைப்படம் என்பதால், ரசிகர்கள் இதனை ஒரு திருவிழாவைப் போலக் கொண்டாடத் தயாராகி வருகின்றனர். படத்தின் டீசர் மற்றும் போஸ்டர்கள் ஏற்கனவே இணையத்தில் வைரலாகி வரும் நிலையில், படத்தின் கதைக்களம் அரசியலை மையமாக வைத்து எடுக்கப்பட்டிருப்பது ரசிகர்களிடையே கூடுதல் ஆர்வத்தைத் தூண்டியுள்ளது.

எச். வினோத் இயக்கத்தில் உருவாகியுள்ள இந்தப் படத்தில், விஜய்யுடன் இணைந்து பூஜா ஹெக்டே, மமீதா பைஜூ, பாபி தியோல் மற்றும் பிரகாஷ்ராஜ் எனப் பெரும் நட்சத்திர பட்டாளமே நடித்துள்ளனர். அனிருத் இசையமைத்துள்ள இந்தப் படத்தின் பிரம்மாண்ட இசை வெளியீட்டு விழா மலேசியாவில் நடைபெற உள்ள நிலையில், தற்போது படத்தின் முதல் விமர்சனம் குறித்த தகவல்கள் கசியத் தொடங்கியுள்ளன.

பிரபல திரையரங்கு உரிமையாளரான பரணி, தனது ட்விட்டர் (X) பக்கத்தில் 'ஜனநாயகன்' படம் குறித்த ரகசியத் தகவலைப் பகிர்ந்துள்ளார். படத்தை முன்கூட்டியே பார்த்த சில நெருக்கமான வட்டாரங்கள், படம் மிகவும் அற்புதமாக வந்துள்ளதாகத் தெரிவித்துள்ளனர். "இந்த பொங்கல் நமக்கு செம கலெக்ஷன் மா!" என்று திரையரங்கு உரிமையாளர்கள் தங்களுக்குள் உற்சாகத்தைப் பகிர்ந்து கொள்வதாக அவர் குறிப்பிட்டுள்ளார்.

இந்த முதல் விமர்சனம் வெளியானதைத் தொடர்ந்து, சமூக வலைதளங்களில் விஜய் ரசிகர்கள் தங்களது மகிழ்ச்சியைக் கொண்டாடி வருகின்றனர். படத்தின் தரம் சிறப்பாக இருப்பதாகவும், வசூலில் புதிய சாதனைகளைப் படைக்கும் என்றும் திரையரங்கு வட்டாரங்கள் கணிப்பது, விநியோகஸ்தர்கள் மற்றும் ரசிகர்களுக்குப் பெரிய ஊக்கத்தை அளித்துள்ளது.

இசை வெளியீட்டு விழா இன்னும் சில நாட்களில் மலேசியாவில் நடைபெற உள்ள நிலையில், படத்தின் டிரைலருக்காக ஒட்டுமொத்தத் திரையுலகமும் காத்திருக்கிறது. விஜய்யின் அரசியல் கொள்கைகளுக்கும், படத்தின் கதைக்கும் ஏதேனும் தொடர்பு இருக்குமா என்பதைத் திரையில் காண ரசிகர்கள் ஆவலுடன் உள்ளனர்.