நடிகர் யாஷ் நடிப்பில் பெரும் எதிர்பார்ப்புகளுக்கு இடையே திரைக்கு வந்துள்ள ‘டாக்சிக்’ (Toxic) திரைப்படம் முதல் நாளிலேயே ரூ.100 கோடிக்கு மேல் வசூல் சாதனை படைத்து வருகிறது. ஆனால், திரைப்படங்களின் வசூல் சாதனைகளை மட்டும் கொண்டாடும் திரையுலகப் போக்கையும், இளைஞர்களிடையே அதிகரித்து வரும் சமூக வலைத்தள அடிமைத்தனத்தையும் சுட்டிக்காட்டி பாஜக முன்னாள் மாநிலத் தலைவர் அண்ணாமலை தனது ஆழ்ந்த கவலையையும் ஆதங்கத்தையும் வெளிப்படுத்தியுள்ளார்.
சமீபத்திய நிகழ்வு ஒன்றில் பேசிய அண்ணாமலை, சினிமாத்துறையில் வன்முறையும் போதைப்பொருட்களை மையமாகக் கொண்ட கதைகளும் அதிகரிக்கும் போக்கு சமூகத்தைச் தவறான பாதைக்கு அழைத்துச் செல்வதாகக் குறிப்பிட்டார். “ஒரு திரைப்படம் ரூ.100 கோடி அல்லது ரூ.500 கோடி வசூலிப்பது மட்டுமே அதன் வெற்றிக்கான அளவுகோலாக மாறிவிட்டது. ஆனால், அது இளம் தலைமுறையின் மனநிலையில் எத்தகைய தாக்கத்தை ஏற்படுத்துகிறது என்பதை யாரும் சிந்திப்பது இல்லை” என்று அவர் சாடியுள்ளார்.
மேலும், இன்றைய இளைஞர்கள் மணி கணக்கில் சமூக வலைத்தளங்களிலும், திரையரங்கு கொண்டாட்டங்களிலும் மூழ்கிக் கிடப்பது அவர்களின் உற்பத்தித்திறனையும் எதிர்காலத்தையும் பாதிப்பதாக அவர் குற்றம் சாட்டினார். சமூக வலைத்தளக் மோகம் மற்றும் அளவுக்கு அதிகமான சினிமா தாக்கம் காரணமாக இளைஞர்கள் நிஜ வாழ்க்கையின் சவால்களை எதிர்கொள்ளத் தவறி வருவதாகக் சுட்டிக்காட்டிய அவர், இந்த நிலை நீடித்தால் நாட்டின் வளர்ச்சிக்கு பெரும் பின்னடைவு ஏற்படும் என எச்சரித்தார்.
வணிக ரீதியான வெற்றிகளைத் தாண்டி, படைப்பாளிகளும் திரையுலகினரும் சமூகப் பொறுப்புணர்வுடன் செயல்பட வேண்டும் என வலியுறுத்திய அண்ணாமலை, இளைஞர்கள் தங்களின் பொன்னான நேரத்தைச் சமூக வலைத்தளங்களிலும் வன்முறை சார்ந்த திரைப்படங்களிலும் வீணடிக்காமல் சுய முன்னேற்றத்திலும் நாட்டின் வளர்ச்சியிலும் கவனத்தைச் செலுத்த வேண்டும் எனக் கேட்டுக்கொண்டார்.
