ஈரோடு மாவட்டம் கோபிச்செட்டிபாளையம் பகுதியில் செய்தியாளர்களைச் சந்தித்துப் பேசிய அமைச்சர் செங்கோட்டையன், மாநில அரசு மற்றும் அமைச்சரவை மாற்றம் குறித்துத் தொடர்ச்சியாக வெளிவரும் ஊடகச் செய்திகளுக்கு விளக்கம் அளித்தார். தமிழக முதலமைச்சர் சி. ஜோசப் விஜய் தலைமையிலான அரசு மக்களின் நலனுக்காகத் தொடர்ந்து சிறப்பாகச் செயல்பட்டு வருவதாகவும், அமைச்சரவை மாற்றம் குறித்த யூகங்களுக்கு இடமில்லை எனவும் அவர் குறிப்பிட்டார். ஆட்சி நிர்வாகம் மற்றும் துறைகளின் செயல்பாடுகளை முடக்கும் நோக்கத்துடனேயே இதுபோன்ற வததிகள் திட்டமிட்டுப் பரப்பப்படுவதாகவும் அவர் குற்றம் சாட்டினார்.
எதிர்க்கட்சிகள் மற்றும் சமூக வலைதளங்களில் எழும் இது போன்ற தேவையற்ற யூகங்களை மக்கள் நம்ப வேண்டாம் என்றும் அவர் கேட்டுக்கொண்டார். அரசின் திட்டங்கள் அனைத்தும் தங்குதடையின்றி மக்களைச் சென்றடைவதே அரசின் முதன்மை நோக்கம் என்றும், அமைச்சர்கள் அனைவரும் தங்களது பணிகளில் முழு கவனம் செலுத்தி வருவதாகவும் அவர் சுட்டிக்காட்டினார். அரசின் நற்பெயரைக் களங்கப்படுத்தும் வகையில் பரப்பப்படும் இதுபோன்ற தவறான தகவல்களைத் தடுத்து நிறுத்த உரிய நடவடிக்கைகள் எடுக்கப்படும் எனவும் தெரிவிக்கப்பட்டுள்ளது.
அமைச்சரின் இந்த நேரடியான விளக்கத்தைத் தொடர்ந்து, தமிழக அமைச்சரவை மாற்றம் குறித்த விவாதங்களுக்கு முற்றுப்புள்ளி வைக்கப்பட்டுள்ளது.
தற்போது மாநிலத்தின் பல்வேறு பகுதிகளில் வளர்ச்சித் திட்டப் பணிகள் மற்றும் பருவமழை முன்னெச்சரிக்கை நடவடிக்கைகள் தீவிரமாக நடைபெற்று வருவதாக அரசு தரப்பில் கூறப்பட்டுள்ளது.
