பிரேசில் நாட்டின் சாவ் பாவ்லோ (São Paulo) நகரில் உள்ள ‘லைன் 15-சில்வர்’ (Line 15-Silver) மோனோரெயில் வழித்தடத்தில் கமீலோ ஹடாட் (Camilo Haddad) ரயில் நிலையம் அருகே இச்சம்பவம் நடைபெற்றுள்ளது. பேராசிரியர் லூயிஸ் இக்னாசியோ அன்ஹாயா மெல்லோ அவென்யூ பகுதியில் உள்ள தண்டவாளத்தில் திடீரென கிரேன் ஒன்று சரிந்து விழுந்தது. அந்த சமயத்தில் ஓட்டுநர் இல்லாமல் தானியங்கி முறையில் இயங்கி வந்த மோனோரெயில் ரயில், தண்டவாளத்தில் கிடந்த கிரேன் மீது வேகமாக மோதியதில் அதன் இடிபாடுகள் கீழே இருந்த பரபரப்பான சாலையின் மீது சரிந்து விழுந்தன.
இந்தச் சம்பவத்தில் ரயிலில் பயணித்த பயணிகள் அனைவரும் பாதுகாப்பாக வெளியேற்றப்பட்டனர் என்றும், யாருக்கும் காயம் ஏற்படவில்லை என்றும் தீயணைப்புத் துறை அதிகாரிகள் தெரிவித்துள்ளனர். எனினும், விபத்தில் காயமடைந்த கிரேனின் இயங்குபவருக்குத் (Crane Operator) தேவையான மருத்துவ உதவிகள் உடனடியாக வழங்கப்பட்டன. விபத்து நடந்த இடத்தில் மீட்புப் பணிகளை மேற்கொள்வதற்காக ஆறு காவல் வாகனங்கள் மற்றும் தீயணைப்பு வாகனங்கள் குவிக்கப்பட்டன.
இச்சம்பவத்தைத் தொடர்ந்து விலா புருடென்டே மற்றும் சாவ் லூகாஸ் நிலையங்களுக்கு இடையேயான மோனோரெயில் ரயில் சேவைகள் தற்காலிகமாக நிறுத்தப்பட்டுள்ளன.
விபத்துக்கான மூலக் காரணம் மற்றும் மோனோரெயில் கட்டமைப்பில் ஏற்பட்ட சேதங்கள் குறித்து அதிகாரிகள் விரிவான விசாரணை நடத்தி வருகின்றனர்.
