தமிழக முதலமைச்சராகப் பதவியேற்ற பிறகு, விஜய்யின் பாதுகாப்பு கருதி சுமார் 12-க்கும் மேற்பட்ட வாகனங்கள் அவரது கான்வாயில் அணிவகுத்துச் சென்றன. இதனால் அவர் செல்லும் வழிகளில் நீண்ட நேரம் போக்குவரத்து நிறுத்தப்பட்டு, பொதுமக்கள் கடும் அவதிக்குள்ளாகினர். குறிப்பாக, சென்னை போன்ற நெரிசல் மிகுந்த பகுதிகளில் ஆம்புலன்ஸ் உள்ளிட்ட அவசர கால வாகனங்கள் கூடச் சிக்கிக் கொள்ளும் சூழல் ஏற்பட்டது. இது குறித்து சமூக வலைதளங்களில் எழுந்த புகார்களைக் கவனித்த முதலமைச்சர் விஜய், உடனடியாக தனது கான்வாய் வாகனங்களின் எண்ணிக்கையைக் குறைக்க உத்தரவிட்டார்.
தற்போது அமலுக்கு வந்துள்ள புதிய நடைமுறையின்படி, முதலமைச்சரின் கான்வாய் வாகனங்கள் பாதியாகக் குறைக்கப்பட்டுள்ளன. மேலும், அவர் செல்லும் போது சாலைகளில் போக்குவரத்தை நீண்ட நேரம் நிறுத்த வேண்டிய அவசியமில்லை என்றும், சிக்னல்களில் சாதாரண வாகனங்களைப் போலவே தனது வாகனமும் காத்திருக்கலாம் என்றும் அவர் அறிவுறுத்தியுள்ளார். இதன் மூலம், விஐபி கலாச்சாரத்தைத் தவிர்த்துச் சாமானிய மக்களில் ஒருவராகத் தன்னைக் காட்டிக்கொள்ள விஜய் முயற்சி செய்துள்ளார். இந்த அதிரடி மாற்றத்தால், சென்னை அண்ணா சாலை மற்றும் கடற்கரைச் சாலைகளில் நிலவி வந்த தேவையற்ற போக்குவரத்து நெரிசல் கணிசமாகக் குறைந்துள்ளது.
பாதுகாப்பு அதிகாரிகள் இது குறித்துக் கூறுகையில், “முதலமைச்சரின் பாதுகாப்பில் எந்த சமரசமும் செய்யாமல், அதே சமயம் பொதுமக்களுக்கு இடையூறு ஏற்படாத வகையில் நவீனத் தொழில்நுட்பங்களைப் பயன்படுத்திப் போக்குவரத்து சீரமைக்கப்பட்டு வருகிறது” என்று தெரிவித்தனர். முதலமைச்சர் பயணம் செய்யும் போது முன் எச்சரிக்கை வாகனங்கள் (Pilot vehicles) மட்டும் முன்னதாகச் சென்று போக்குவரத்தைச் சீர் செய்யும், மற்றபடி சாலைகளை முழுமையாக முடக்கும் பழைய முறை கைவிடப்பட்டுள்ளது. இது தற்போதைய டிஜிட்டல் காலத்திற்கு ஏற்ற ஒரு ஸ்மார்ட் நிர்வாக முறையாகப் பார்க்கப்படுகிறது.
ஏற்கனவே முதல்வர் இருக்கையில் வெள்ளை துண்டு அகற்றம், சொந்த காரில் பயணம் எனத் தொடர்ச்சியாக எளிமையைக் கடைப்பிடித்து வரும் விஜய், இப்போது கான்வாய் விவகாரத்திலும் மாற்றம் கொண்டு வந்திருப்பது மற்ற மாநிலத் தலைவர்களுக்கும் ஒரு முன்னோடியாக அமைந்துள்ளது. “மக்களுக்காகவே நான், மக்களால் நான்” என்ற வாசகத்திற்கு இணங்க, மக்களின் நேரத்தை மதிப்பதே சிறந்த நிர்வாகம் என அவர் நிரூபித்துள்ளார். விஜய்யின் இந்த மனிதநேயமிக்க நடவடிக்கை, பொதுமக்களிடையே அவருக்கு இருக்கும் நன்மதிப்பை மேலும் உயர்த்தியுள்ளது.
