ஐரோப்பிய நாடான செக் குடியரசின் தென்கிழக்கு பகுதியில் உள்ள மொராவியன் கார்ஸ்ட் (Moravian Karst) என்ற அடர்ந்த குகை அமைப்பிற்குள், ஐந்து அமெச்சூர் குகை ஆராய்ச்சியாளர்கள் (Amateur cavers) திடீரென நச்சு வாயு மண்டலத்திற்குள் சிக்கிக்கொண்டனர். குகையின் வெளிப்பகுதிக்கு வரும் வழியில், கார்பன் டை ஆக்சைடு (Carbon Dioxide) வாயு ஆபத்தான அளவில் திடீரென அதிகரித்ததால் அவர்கள் வெளியேற முடியாமல் பாதையிலேயே முடங்கினர் . இந்தத் தகவல் தீயணைப்பு மற்றும் மீட்புத் துறையினருக்கு எட்டியதைத் தொடர்ந்து, குகைக்குள் “நரகப் போராட்டம்” என வர்ணிக்கப்படும் ஒரு மெகா மீட்பு நடவடிக்கை (Major rescue op) உடனடியாகத் தொடங்கப்பட்டது.
குகைக்குள் சிக்கியுள்ள ஐந்து பேரும் தற்போது குகையின் நுழைவு வாயிலிலிருந்து சுமார் மீட்டர் தூரத்தில்தான் இருக்கிறார்கள் என்றும், தற்போதைக்கு அவர்கள் எவ்விதக் காயமும் இன்றிப் பாதுகாப்பாக இருப்பதாகவும் மீட்புப் படையினர் தெரிவித்துள்ளனர். இருப்பினும், அவர்கள் இருக்கும் இடத்திற்கும் குகையின் வெளிப்பகுதிக்கும் இடையே உள்ள பாதையில் காற்றில் கார்பன் டை ஆக்சைடு வாயுவின் அளவு மிக அபாயகரமாக உயர்ந்துள்ளதால், சிறப்பு சுவாசக் கருவிகள் (Breathing equipment) இல்லாமல் அந்தப் பகுதியை அவர்களால் கடந்து வர முடியாது என்பது நிலைமையை மிகவும் சிக்கலாக்கியுள்ளது.
கோடைக் காலங்களில் சில குகை அமைப்புகளில் நிலத்தடி வெப்பம் மற்றும் இயற்கை மாற்றங்கள் காரணமாக இது போன்ற நச்சு வாயுக்கள் திடீரெனப் பெருகுவது வழக்கம் என்று குகை ஆராய்ச்சி வல்லுநர்கள் விளக்குகின்றனர். பொதுமக்களின் பார்வைக்குத் தடை விதிக்கப்பட்டுள்ள மிகவும் குறுகலான மற்றும் ஆபத்தான இந்த மொராவியன் கார்ஸ்ட் குகைப் பகுதிக்குள், இந்த ஐந்து பேரும் உரிய வழிகாட்டிகள் இன்றி நுழைந்ததே இந்த விபரீதத்திற்கு முக்கியக் காரணம் எனக் கூறப்படுகிறது.
தற்போது, குகை மீட்புப் பணியில் கைதேர்ந்த சர்வதேச நிபுணர்கள் மற்றும் தீயணைப்பு வீரர்கள் ஆக்சிஜன் சிலிண்டர்கள் மற்றும் பிரத்யேக உடைகளுடன் குகைக்குள் இறங்கியுள்ளனர். நச்சு வாயுவின் அடர்த்தியைக் குறைப்பதற்கான நவீனக் கருவிகளும் அங்கு கொண்டு வரப்பட்டுள்ளன. நடுக்காற்றில் நச்சு வாயுவோடு போராடி வரும் அந்த ஐந்து பேரையும் இன்னும் சில மணி நேரத்திற்குள் பத்திரமாக வெளியே கொண்டு வர ஒட்டுமொத்த மீட்புக் குழுவினரும் தங்களின் உயிரைப் பணயம் வைத்துப் போர்க்கால அடிப்படையில் போராடி வருகின்றனர்.
