உலகத்துல மனுஷங்கள மாதிரி ஏழு பேர் இருப்பாங்கன்னு கேள்விப்பட்டிருக்கோம், ஆனா அமெரிக்க அதிபர் டொனால்ட் ட்ரம்ப் (Donald Trump) மாதிரி அச்சு அசலா ஒரு எருமை மாடு இருக்கும்னு யாராச்சும் கற்பனை பண்ணிப் பார்த்திருப்போமா பாஸ்? பங்களாதேஷ் தலைநகர் டாக்கா பக்கத்துல இருக்குற நாராயண்கஞ்ச் கிராமத்துல, 750 கிலோ எடையில ஒரு அல்பினோ வகை வெள்ளை எருமை மாடு ஒன்னு வளர்ந்துச்சு. அந்த மாட்டுக்கு இருக்குற பிங்க் கலர் ஸ்கின்னும், தலையில இருக்குற அந்த அக்மார்க் தங்க நிற ‘க்விஃப்’ (Quiff) ஹேர் ஸ்டைலும் அப்படியே நம்ம ட்ரம்ப் தாத்தாவ ஜெராக்ஸ் காப்பி எடுத்த மாதிரி இருந்துருக்கு. இதப் பாத்து மிரண்டு போன லோக்கல் பயலுக, அந்த மாட்டுக்கு ஆசையா ‘டொனால்ட் ட்ரம்ப்’னு பேர வச்சு சோசியல் மீடியாவுல ரீல்ஸ் போட்டு வைரலாக்கி விட்டுட்டாய்ங்க. அப்புறம் என்ன… அமெரிக்க அதிபர நேர்ல பாக்க முடியாத ஜனங்க, இந்த ‘ட்ரம்பார்’ எருமைய பாக்குறதுக்கு கூட்டமா வந்து செல்ஃபி எடுத்து அலப்பறை பண்ண ஆரம்பிச்சுட்டாங்க.
ஆனா, போன வாரம் வந்த பக்ரீத் பண்டிகைக்காக (Eid al-Adha) இந்த மாட்டை ஒருத்தர் நல்ல விலைக்கு வாங்கி, பிரியாணி போடுறதுக்காக வெட்டக் கூட்டிட்டு போயிருக்காரு. “அய்யோ… நம்ம ட்ரம்பார வெட்டப் போறாங்களே!”னு நெட்டிசன்கள் எல்லாரும் ஆன்லைன்ல ஒப்பாரி வைக்க ஆரம்பிச்ச நேரம், பங்களாதேஷ் உள்விவகார அமைச்சகமே (Home Ministry) கதறி அடிச்சுக்கிட்டு என்ட்ரி குடுத்துச்சு. “டேய் டேய்… நில்லுங்கடா! இந்த மாட்ட வெட்டுனா சட்டம்-ஒழுங்கு கெட்டுப்போயிடும், அப்புறம் அமெரிக்காவுல இருக்குற ஒரிஜினல் ட்ரம்புக்கு தெரிஞ்சா நமக்கு விசா தர்றத கட் பண்ணிடுவாரு”னு பயந்துபோய், கடைசி நிமிஷத்துல அந்த மாட்டை வெட்டக்கூடாதுன்னு பங்களாதேஷ் உள்துறை அமைச்சர் சலாவுதீன் அகமது அதிரடியா தடை உத்தரவு போட்டாரு.
கசாப்பு கடைக்கு போன மாட்டுக்கு, பங்களாதேஷ் அரசாங்கமே ‘இலவச ஆயுள் தண்டனை’ குடுத்து காப்பாத்துனதுதான் இப்போ உலக லெவல்ல செம காமெடி கதையா ஓடிக்கிட்டு இருக்கு. மாட்ட வாங்குன ஆளுக்கு ‘காச ரிட்டர்ன் குடுத்துடுங்கப்பா’னு கவர்மெண்ட்டே செட்டில்மென்ட் பண்ணிட்டு, அந்த 750 கிலோ ட்ரம்ப் எருமைய டாக்கால இருக்குற நேஷனல் ஜூவுக்கு (National Zoo) செம கெத்தா விஐபி பாதுகாப்புல அனுப்பி வெச்சுட்டாங்க. இதுப்பத்தி அதிகாரிங்க பேசும்போது, “இந்த மாட்டுக்கு இருக்குற பப்ளிக் கிரேஸும், செக்யூரிட்டி ரிஸ்க்கும் தான் எங்கள இந்த முடிவை எடுக்க வெச்சது”னு சீரியஸா எக்ஸ்பிளனேஷன் குடுத்திருக்காங்க.
இதைக் கேள்விப்பட்ட நம்ம ஊரு நெட்டிசன்கள், “நல்ல காலம்டா சாமி… ட்ரம்ப் தாத்தா மூஞ்சிய வெச்சிருந்ததுனால எருமை மாடு எஸ்கேப் ஆயிடுச்சு! ஒருவேளை நம்ம ஊரு அரசியல்வாதிங்க மூஞ்சி மாதிரி இந்த எருமை இருந்திருந்தா, இந்நேரம் அதை வறுத்துக் கறி பண்ணி சாப்பிட்டு இருப்பாங்களே”னு கமெண்ட் பாக்ஸ்ல மீம்ஸ் போட்டு கலாய்ச்சு தள்ளிக்கிட்டு இருக்காங்க. எது எப்படியோ, கெத்து காட்டி உலகையே மிரட்டும் அமெரிக்க அதிபர் ட்ரம்பின் முகம், பங்களாதேஷில் ஒரு எருமை மாட்டைக் கசாப்புக் கத்தியிலிருந்து காப்பாற்றியுள்ளதுதான் இப்போதைய டாப் டக்கர் ஹிட் நியூஸ்!
